Resubelpara, Sep 15: Ia sal somoirango dingtang dingtang a·selrangchi bang·a bi·sarangan poraiako dontongengani gimin iandakgipa bi·sarangko skulrangchi watpilna aro lekka porako on·na man·na gita Sonibar salo, Meghalaya State Legal Services Authority (MSLSA), dingtangmancha program-ko North Garo Hills a·jani Mendipathar aro Resu Dekachang Bazar-o ong·atangaha.
Ia program-ko ong·atanio, District Legal Services Authority (DLSA)-ni Chief Legal Aid Counsel Lastein K Marak aro DLSA-ni Legal Aid Counsel Bianca K Marak, lekka porani gamchataniko songni nokni manderangna agan-talate on·angengon, bida budiko man·anichi mande maiko dakna man·na aro bida budi donggijanichi mai obostao ga·akna man·na, uarangni bidingo agan-talatanirangko on·angaha.
Ia program-ko ong·atanio, Out of School Children Coordinator Namechea K Marak-ba songni nokni manderangna agan-talatanirangko on·angengon, poraia dontonggipa bi·sarangna sorkarini gita mai kamrangko ka·enga aro mai dakgipa cholrangko on·enga, uarangni bidingo talate on·angaha.
Poraia dontonggipa bi·sarangni gimin talatanirangko on·angskaengon, mitamrangde skul chel·ani a·sel, mitamrangde tangka paisarang chol ong·jae, mitamrangde ma·a paarangan dedrangko skul watna gisik nangjae, mitamrangde skigiparangni absent ong·simanan aratroroe aro uandake dingtang dingtang a·selrangni gimin bi·sarang, skul re·aniko ba poraianiko dontongronga ine Marak aganaha.
Poraia dontonggipa bi·sarangna sorkari, North Garo Hills a·jani block damgittam, chong·motan Kharkutta Block, Bajengdoba Block aro Resubelpara Block-rango Out of School Studies Centre-rangko kuliaha aro ia study centre-rango bi·sarangna skie on·na gita volunteer teacher-rangkoba songe donaha ine janapatskaengon, ia volunteer teacher-rangba class 12-ko pass ka·genchim ong·ode sorkarini gita dormahako on·gen aro saoba ia centre-rango skigipani kamko ka·na sikgenchimode ka·na man·aigen ine Marak parakataha.
Poraia dontonggipa bi·sarangko ia Out of School Study Centre-o register ka·e watchina gitaba ua songni manderangko didiataha.
Na·simang ia video-koba nina man·gen:
Na·simang iakoba poraina man·gen: Tura Sherwood School-o Science Exhibition-ko ong·ata
India A·songni Salgro Salaram A·dokni gitalgipa koborrangko ma·sina sikode na·simang hubnetwork.in,-oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
Youtube channel- www.youtube.co
Instagram- https://www.instagram.com/ne_media_hub
