Tura, Jan 13: Turao ong·atenggipa Meghalaya Games-ona Indiani President Droupadi Murmu-ni sokbaani aro re·angpilani salrango Tura jolni rama sorokrango manderang maikai aro badia sorokrang gita gari salna nanggen uko West Garo Hills Police Department jinmana u·iataha.

January 15 tariko President Droupadi Murmo Meghalaya Games-o mongsonggipa sokgipa ong·en. Ian Meghalaya Games-ko Turao ong·atchenga baksana Indiani Presidentba Turao waltuangchenggipa ong·gen.

Presidentni sokbao aro re·angpilani salo Tura jolni sorokrango maikai gari salani ong·gen, indake niamrangko tariaha:

• January 15 tarikni attamgroo Presidentni sokbana kontasa skang uni re·bagni ramao gari salaniko champenggen, uko pilak rama bibrarangon nirokgen.

• Presidentni sokba konta 24 skangan dal·dalgipa garirang (Heavy Motor Vehicles) Turaona napbana man·jawa, aro uan Presidentni re·angpilkujaona kingking ong·gen.

• January 15 aro 16 tarikrango Guwahati aro Shillongona South West Garo Hillsoni aro Mankachar joloni re·anggiparang Tura gita nappake re·bagija AMPT route ba Agia gita re·angskachina gita u·iataha.

• January 15 aro 16 tarikrango Guwahati aro Shillongona Baghmara joloni re·anggiparang Tura gita re·bagija Siju aro Rongjeng gita re·angskachina gita u·iataha.

• Presidentni re·bagni aro re·angpilgni ramao January 15 pringoni January 16 attamona sorok rikamrango gari donaniko champengataha, indiba emergency service garirangko nigrikani donggen ineba u·iataha.

Presidentni sokbao rama sorokrango ong·anirangko nirokna gita West Garo Hills Police Department adita officer-rangko aro traffic policeni manderangko dingtangmancha seoke donaha.

Presidentni re·baani somoi Tura jolo gari salanirang maikai ong·gen, Police Control Roomo sing·atna gita phone nombor-rangko jinmana on·ataha. Ua nombor-ranga 8837423053 aro 9089199064.

Iakoba poraie nina man·gen: U-18 robol kal·anio West Garo Hills, South West Khasi Hills-ko gol 5 chipe amata

Watch

Find latest news from every corner of Northeast India at hubnetwork.in, your online source for breaking news, video coverage.

Also, Follow us on-

Twitter-twitter.com/nemediahub

Youtube channel- www.youtube.com/@NortheastMediaHub2020

Instagram- www.instagram.com/nemediahub