Shillong, Dec 19: Deputy Chief Minister in-charge Home (Police), Prestone Tynsong, Hynniewtrep National Liberation Council (HNLC)-ko, a•doko tom•tomanina maming dabiani gri sorkari baksa songgigrikanina agangrikaniko dakna didianiko dakangaha.
Prestone Tynsong, HNLC-ni sorkarina seatgipa chittio maming dabiani gri agangolpogrikaniko dakna gita ra•chakahachim, indake ong•engon, HNLC dolrang rang•san agangrikna manchisoaniko ra•pilani a•sel chu•sokna gita man•jahanina gisiko suk ong•gijaniko parakatengon, tom•tomanina agangolpogrikaniko daktaipilna didiatan baksana iani bidingo nanga ong•ode a•dok sorkari changni changba agangolpogrikaniko dakna kusi ong•begen ineba ua aganangkuaha.
Deputy Chief Minister, Prestone Tynsong, da•oba HNLC baksa agangrikaniko dakna gita sengengkua ine aganengon, ia agangrikani jamano namgipa koborko knana gita ka•dongsoanikoba parakataha.
HNLC-ko, niam pe•gipa dolrang ine champengatako man•ani gisepon, ma•mong sorkari uamang baksa tom•tomanina agangrikaniko dakna okamenga aro a•dok sorkariba champenggimin dolni aganchakanina sengenga inenba Tynsong u•iatangaha.
Na·simang ia video-koba nina man·gen:
Na·simang iakoba poraina man·gen: Assam-o journalist-rangko police-rangni tear gas godapanina GPC jegala
India A·songni Salgro Salaram A·dokni gitalgipa koborrangko ma·sina sikode na·simang hubnetwork.in, oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
Youtube channel- www.youtube.com/@NortheastMediaHub2020
Instagram- https://www.instagram.com/ne_media_hub
