Shillong, Feb 28: PRIME-Sauramandala Rural Entrepreneurship Fellowship-ko, a•dok sorkarini PRIME Meghalaya aro Sauramandala Foundation nangrimenba, Meghalaya a•dokni bading chiwale cha•enggipa manderangna chu•gimik dakchakaniko on•achi, badingchiwalani gadangrangko tang•doatna dilanichi ba skie on•anichi aro songsalo dingtanganiko ra•bana rikanio dakchakaniko on•anichi, a•dokni songadamrango badingchiwale cha•aniko mangrakbatatna aro namroro silroroatna ine miksongenba ia Fellowship-ko a•bachengatani ong•achim.
Ia Programme, mongsongbate a•dokni ning•o aro apalo dongenggipa songadamrangona on•gilpana gita, dingtanganiko ra•bagnigipa chadamberangna namgipa cholko on•aniba ong•achim.
“Ia Programme-ko, a•dokni ning•o donggipa songadamrango badingchiwale cha•ani gadangrangko tang•doatna miksonge ong•atani ong•a aro gnigipao, re•baenggipa chasongrango dilgipa ong•na gita ia chadamberangko tarisamsoaniba ong•a” inenba PRIME PSREF (Prime Sauramandala Rural Entrepreneurship Fellowship)-ni Manager Monitoring and Evaluation, Chenmiki Laloo aganaha.
Ia Programme-o, Meghalaya a•dokni dingtang dingtang bakrangoni, jean, jatni dakbewal rikbewalrangni gimin aro ku•sik aganna jakkalanirango u•i ma•sigipa manderang bakko ra•angaha.
Na·simang iakoba poraie nina man·gen:Greater Tipraland-ni bidingo agangrikna ma•mong sorkari okamata
India A·songni Salgro Salaram A·dokni gitalgipa koborrangko ma·sina sikode na·simang hubnetwork.in,-oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter-twitter.com/nemediahub
Youtube channel- www.youtube.com/@NortheastMediaHub2020
