Guwahati, Dec 3: Project INROAD chong•motan, Indian Natural Rubber Operation for Assisted Development-ni ning•o, India a•songni salgro salaram jolrango rubber ge•aniko bariataha.

2024-2025 bilsirangni gisepo, Salgro salaram aro West Bengal jolrangni dam 94 a•jarango, lakh 1.25 hectare-mangni gita a•arango rubber-rangko ge•manaha aro ian India a•songo bilsi bri-ni gisepo rubber ge•anio dal•batsranggipa chu•sokgiparangoni mingsa ong•enga.

Project INROAD, ian Rubber Board of India-ni a•bachengatgipa ong•a aro tangka paisani gita, mingsinggipa tyre manufacturer ba tyre tarigipa company-rang chong•motan, Apollo, Ceat, JK aro MRF company-rang jean, Automotive Tyre Manufacturers Association (ATMA)-ni member-rangba ong•enga, uamang dakchakaniko on•enga.

Uamang ia  Project-ko, Salgro salaram aro West Bengal jolrangni 200,000 hectares a•arango rubber ge•aniko gipatna miksonganio a•bachengataha.

Ia bilsi bri-ni gisepo, crore 5.3 mangni gita rubber ge•ani bosturangko ia project ning•o suale on•aha aro 1 acre mangni gitasan a•a donge game ge•e cha•enggiparangkoba ia project-o napataha.

Indake, ia INROAD project-ko a•bachengatna skang, salgro salaram jolrango rubber ge•a gamaoniko 23% mangni gitasan man•gnirangko man•achim, indake ong•genchimoba, ia project-ni gita rubber ge•aniko bariatahaon, 38% mangni gita man•gnirangko man•a ka•dongsoenga. Apsan daken, salgro salaram jolrango 16% mangni gita rubber ge•anio, 32% mangni gita tang•doangskagen.

Na·simang ia video-koba nina man·gen: 

Na·simang iakoba poraina man·gen: MMDSL-ni Facility Stock Dashboard-ko a•bachengata

India A·songni Salgro Salaram A·dokni gitalgipa koborrangko ma·sina sikode na·simang hubnetwork.in,-oniko video-ko niangan baksa poraina man·gen.

Chingko ka·mao mesokgipa social mediarango jarikna man·gen:-

Twitter- twitter.com/nemediahub

Youtube channel- www.youtube.com/@NortheastMediaHub2020

Instagram- https://www.instagram.com/ne_media_hub