Chandigarh, Feb 6: Punjab a·dokni Faridkot a·jao bilsi 35 ong·gipa mande saksa, da·al Sonibar pringwalo, an·tangko gona skang, an·tangni bi·sa sakgni aro jikgipako goaha ine police-rang u·iataha.
Police-rangni u·iatani gitade, ia mandeara bading chiwale cha·enggipa Karan Kataria ong·achim aro ua an·tangkoba goani ja·man, Ludhiana-ni hospital-o janggi galaha.
Kataria, da·al Sonibar pringni 4:00 bajimango, Faridkot a·jani Narian Nagar-o donggipa an·tangni noko, jiktangko aro degipa sakgniko goaha ineba police-rang parakataha.
Goako man·enba, uni bilsi sni ong·gipa depante aro bilsi gittam ong·gipa demechik sina gita nangaha aro uni bilsi 30 ong·gipa jikgipakoba saknaanirangko man·ahani gimin Guru Gobind Singh Medical College aro Hospital-ona ra·angaha ine u·iataha.
Maini gimin ua an·tangni nokdangko aro an·tangko goaha da·o dipet name ma·sina man·kujaenga ineba police-rang u·iataha.
Adita salrangna skangsan, Amritsar-oba mande saksa, an·tangko goe sina skang, jikgipako aro an·tangni bilsi bonga ong·gipa depanteko goe so·otaha ine police-rang u·iataha.
