Tura, November 11: 56-Gambegre (ST) Legislative Assembly Constituency-ni Returning Officer, BNSS-ni Section 163-ni ning•o, pu•onani salna konta 48-ni gisepo election-na wenanirang jekai, jinma tom•bimongani aro jinma re•jomanirangko pu•onani matchotjana kingking champengataniko dakataha. November 13 tariko pu•onani sal ong•ani gimin November 11 tarikni 4 bajion campaign ka•ani ba jinma re•jomaniko matchotatchina aro pu•onani matchotaona kingking campaign ka•aniko dontongchina ge•etaniko on•ataha.
Uasan ong•aigija, party-ni dilgiparang aro part-na kam ka•enggiparang, jemangkon campaign ka•na gita Constituency-ni a•paloniko rimbaahachim aro jerangan Constituency-o pu•onagiparang ong•jachim, uamangko campaign ka•a matchota bakan Constituency-oni re•angpilchina gita ge•etaniko on•atan baksana, ia konta 48-ni gisepo aro pu•onani matchotkuja dipet janggipa gam•atanirangko jakkalaniko champengataha.
BNSS-ni Section 163-ni ning•o champengatgimin gita, jolo sak 5-na agre tom•dake dongani ba re•ruraanirangko champengatengon, ia konta 48-ni gisepo nokona re•e campaign ka•anikode maming champengani dongja ineba u•iataha. Ia ge•etanio, niam-ni gita pu•onaniko a•bachengoni aro matchotaoni minute 30-na kingking exit polls ba pu•onggiparango kobor ra•aniko champengatan baksana 48-ni gisepo pu•onani matchotja dipet pu•ongiparango sing•e election-o sawa chegen ba chejawa iani bidingo seachi ba social media-o parakatanikoba champengataha.
Ia ge•etani, West Garo Hills a•ja gimiknan ong•engon, ia ge•etaniko November jani 11 tarikni attam 4 bajioni pu•onani matchotkuja dipet ja•rikangna gita nanggen.
Na·simang ia video-koba nina man·gen:
Na·simang iakoba poraina man·gen: Tipra Motha Party, Tripura Assembly-o tribal-rangna biap a•kanganiko bariatchina dabia
India A·songni Salgro Salaram A·dokni gitalgipa koborrangko ma·sina sikode na·simang hubnetwork.in,-oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
Youtube channel- www.youtube.com/@NortheastMediaHub2020
Instagram- https://www.instagram.com/ne_media_hub
