Tura, Apr 26: West Garo Hills a·jao bilsi 11 ong·gipa me·chik bi·sa saksa rabies sabisiko man·e sina nangaha ine chanchichipanirang ong·katani ja·man, iani bidingo West Garo Hills a·jani Deputy Commissioner, magisterial inquiry-ko dakchina ge·etaniko on·ataha.
Deputy Commissioner-ni u·iatani gitade, ia bi·sako Tura-ni hospital damgnio ra·chakna jechakaha ine matnanganirangko aro rabies sabisi man·ani a·sel sia ine chanchipaniko am·sandina gita ge·etaniko on·ataha.
Indake ong·engon, Jengjal Sub-Divisional Hospital-o rabies sabisi man·a ine chanchichipenggipa sakgipin bi·sako sanenga ineba kobor on·aha. Koborko on·ani gitade, jasamangna skang, ia bi·sako achak chikani ja·man rabies sabisini chinrangko man·na a·bachengaha aro da·o ia bi·sako Jengjal Sub-Divisional Hospital-o done sanna bananiko on·enga. Iani bidingo kobor ra·timgiparangna talataniko on·atengon, da·o dipet ia bi·sako rabies saanina sannaniko on·enga indiba ian encephalitis ba uandakgipa gipin saanirangsama uko ma·sina gita porikkarangko ra·engkua ine Hospital-ni Dr Paul Francis parakataha.
Rabies sabisiara batrikrikna man·gipa sabisirangoni mingsa namjabatsranggipa sabisi ong·a aro ia sabisini chinrangko nikna man·ahaon sanna gita namen neng·beani ong·a ine sanna banani kamrango u·i-ma·sigipa manderang parakataha.
Garo Hills-o da·o rabies sabisiko man·ani chinrangara, anti-rabies vaccine (ARV)-rang donggijaniko mesokaniba ong·aha. Health official-rangni u·iatani gitade, iandakgipa sabisini samrangko sorkarioni watanirang chu·ongjaenga aro manderang, private pharmacy-rangonikosa iandakgipa samrangko dam rake brena nangtokenga.
Garo Hills-o mongsongbate songadam nokadamrango, achak chikani somoirangoba manderang sanna bananirangko ra·na gisik nangrongjani a·selba, rabies sabisiko man·na gita kenchakna nanganirang ong·enga.
Na·simang iakoba nina man·gen:
Na·simang iakoba poraina man·gen: Gandipara-o Koch jatni Pabuni Festival-ko ong·ata
na·simang hubnetwork.in, oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
Youtube channel- www.youtube.com/@NortheastMediaHub2020
Instagram- www.instagram.com/ne_media_hub
