Shillong, Aug 12: COVID-19-ni tikarangko su•e ra•china manderangko didiangenba, Raij Ialong-ni Behdienkhlam manianiko matchotataha.
Raij Ialong-ni ning•o Niamtre toromko bebera•giparang Bristibar salo, Behdienkhlam manianiko Madan Aitnar-o matchotataha aro ia manianio Elaka Jowai-ni Dolloi, Puramon Kynjing mongsonggipa sokgipa ong•e bakko ra•angaha.
Ia bilsini Behdienkhlam manianiko ia jani 4 tariko a•bachengatenba, Niamtre toromni dakbewal rikbewalo pangchake dingtang dingtang dake maniangaha.
Ia manianiko Bristibar salo matchotataha aro ia manianiko matchotatanio, toromko dilgiparang, COVID-19-ni tikarangko su•e ra•china gitaba manderangko didiangaha.
Re•anggipa bilsio gitan ia changoba sajinmani a•sel Behdienkhlam-ko chonbate maniangna nangtaiaha.
