Shillong, July 15: Rajabala Constituency-ni MLA Dr. Mizanur Rahman Kazi, Reservation Policy-ni bidingo, State Reservation Policy-ni Expert Committee-ni Chairman, Justice (Retd) Shri M. C. Garg-na memorandum-ko Sombar salo on•angaha.
Kazi uni on•gimin memorandum-o Garo Hills a•jao songdongkamgipa Muslim-rangko, Reservation Policy-ni ning•o Other Backward Class (OBC)-o chapatchina aro uamangna 5% mangni gita reservation-ko on•china janapataha.
Unbaksana, a•jao songdongkamgipa Muslim-rangni itihas-o mingsing minggamaniko aro Mughal Empire-ni sason ka•ani somoio uamangni janggi tangani gimin janape talataha. Ua somoirangoni Garo Hills a•jani a•kawe jolrango Muslim-rangni songdong a•chaani, uamangni itihas-o mingsing minggamgipa biaprang jekai Ampatio Mughal sipairangni General Mir Jumla-ni gopram aro Mahendraganj-o Hazrat Peer Shah Kamal Baba-ni Dargah Sharif-ni giminba ua janapataha.
Kazi, Garo Hills a•jani a•kawe jolrango songdongenggipa manderangna reservation-ni bidingo aro uamangni ma•gitcham pagitchamrangni mingsing minggamani aro janggi tangani gimin memorandum-o janape on•ataniko kobor ra•timgiparangna parakataha.
Itihas-ni mongsonggipa ja•tingko niatgenchimode, 1600 AD bilsirangonin uamang ia a•kawe jolrango songdong a•chabaaha aro Mughal-rangni sason ka•ani somoionin uamang dongbaahani gimin gipin biaponi katnapbagiparang ong•ja ine u•ina man•achim. Uamang, Assam a•dokko ma•ekatna aro Meghalaya a•dok ong•na skangan ia biaprango songdong a•chabaaha ineba Rajabala-ni MLA janapatkuaha.
Indake, uni reservation-ni bidingo dingtangmancha mol•molani gimin sing•on, uni minggni mongsonggipa nangnikanirang gnang, uan ia jatko OBC-o man•chapatani aro minggipinara 5% reservation-ko uamangna on•ani ong•achim. Iani gisepon, je reservation-ko Garo, Khasi aro Jaintia jong adarang man•paengachim, uarangoniko mittam on•china janapenga ong•jaenga indiba Reservation Policy-ni ning•o general-rangnaba bak dongani gimin ia general-rangni bakoni OBC-o man•chapate 5% reservation-ko uamangna on•chinasa mol•molenga ine Dr. Kazi aganchakaha.
Na·simang ia video-koba nina man·gen:
Na·simang iakoba poraina man·gen: Assam-o sak 8 manderang CAA-na dorgasto gala, sak 2-san interview on•a re•baa : Assam CM
India A·songni Salgro Salaram A·dokni gitalgipa koborrangko ma·sina sikode na·simang hubnetwork.in,-oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
Youtube channel- www.youtube.co
Instagram- https://www.instagram.com/ne_media_hub
