Jaipur, Dec 20: Sukrobar sal, Rajasthan a•dokni Jaipur-Ajmer ramao, gas salgipa tanker bolsa gopretanichi ia tanker-ni driver-ko man•chape samba jolrango donggipa bang•a manderang sina gita nangaha.

Koborko on•ani gitade, ia gas tanker gopretanichi, samba jolrango donggipa bol 60-na baten garirangba kamchapako man•aha aro sak 60-na baten manderang saknaanirangko man•ahani gimin uamangko ta•raken hospital-rangona ra•angaha.

Saknaa man•gipa manderangoni komibeoba sak 24-mangde bilongbee saknaanirangko man•aha aro uamangni janggirangnaba kenchakna nangani ong•enga.

Mikrontangchi nikgipa manderangni u•iatani gitade, ia gas tanker-ni gopretani namen bilakahani a•sel samba jolrango donggipa nokrangni kelkirang aro pakmarangba nosto ka•ako man•aha.

Indake ong•engon, ia a•selni bidingo inquiry-ko dakna gita ge•etaniko on•gen aro ia a•sel ong•gipa biaprango dakchakanirangko on•na gita ia Jaipur-Ajmer ramako da•o champengatchengaha ine Rajasthan a•dokni Chief Minister Bhajan Lal parakataha.

Maini a•sel ia tanker gopretahachim da•o dipet tale ma•sikujaenga indiba ia tanker-o kenna nangbegipa gas-ko salangengachimkon ine official-rang chanchichipenga.

Na·simang ia video-koba nina man·gen:

Na·simang iakoba poraina man·gen: Assam-o Youth Cong-ni membor-rang jingjengata

India A·songni Salgro Salaram A·dokni gitalgipa koborrangko ma·sina sikode na·simang hubnetwork.in, oniko video-ko niangan baksa poraina man·gen.

Chingko ka·mao mesokgipa social mediarango jarikna man·gen:-

Twitter- twitter.com/nemediahub

Youtube channel- www.youtube.com/@NortheastMediaHub2020

Instagram- https://www.instagram.com/ne_media_hub