Shillong, Apr 19: Shillong parliamentary seat-ko chena gita rakbee kam ka•samsoanirang indin ong•gramaijawa ine Sukrobar salo, Voice of the People’s Party (VPP)-ni candidate Ricky AJ Syngkon, Shillong songjinmani Pohkseh-o donggipa Glakyn Higher Secondary School-o sikdepe pu•onani ja•man an•tangni ka•dongchakenganiko parakataha.
Lok Sabha election-na Shillong parliamentary constituency-ni ning•o donggipa dingtang dingtang biaprangona wenange campaign ka•anggipani gimin janapatengon, pilak biaprangon uamang manderangni kusi ong•e rimchaksoanirangko aro bang•bea manderangni bak ra•anirangko nikna man•ahani gimin namgipa biteko man•na ka•dongenga ine Syngkon aganaha.
A•bachengaonin uamang Isolo bebera•ani gnang kamrangko ka•aha ine janapatskaengon, VPP-ni manderang pilakan rakbee kamrangko ka•aha aro da•ode Shillong parliamentary constituency-ni ning•o donggipa manderangni jakosajok ine VPP-ni candidate aganaha.
Mitchibegipa politics-ko kal•enga ine gipin dolrangni VPP-ko matnanganirangna aganchakaniko on•angskaengon, iani giminsa VPP, ia pilakkon tale mesokna aro pilakni gitan namgipa politics-ko mesokna nangnikenga ine Syngkon aganaha.
Na·simang ia video-koba nina man·gen:
Na·simang iakoba poraina man·gen: Manipur-o Lok Sabha Election-na pu•onanio nanggrika, sak 3 saknaa
India A·songni Salgro Salaram A·dokni gitalgipa koborrangko ma·sina sikode na·simang hubnetwork.in,-oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter-twitter.com/nemediahub
Youtube channel- www.youtube.com/@NortheastMediaHub2020
