Guwahati, Jan 11: Ram Mandir-ko Bristibar salo nokdonggao dongpana jechakani gimin Congress dolko Assamni Skotong Minister Himanta Biswa Sarma ‘anti-Hindu” inaha.
“Ram Mandir-ko nokdonggaona Congress dolko okamate Vishwa Hindu Parisad uamangna nambegipa cholko on·aha. Congressni manderang sokbae dongpaode uamang chugipa Hindu songsal aro Hindu manderangni kosako uamangni ka·gimin paprangoni mitamko gimaatna man·genchim. Congress skangonin Hindu songsal aro Hindu manderangni kosako re·baenga. Okamataniko jechake uamang nambegipa cholko galaha aro re·baenggipa chasongrangonan Hindurangni kosako re·giparang ong·angkugen,” ine Assamni Skotong Minister Himanta Biswa Sarma aganaha.
“Jawaharlar Nehru, Somnath Mitde Nok-ko nokdonggao dongpana jechakaonin uamang ia ga·kragijagipa bewalko a·bachengaha. Angni nikani gitade, uamangko okamatjasrangon namgnokchim,” ine Sarma aganangkuaha.
“Ramayana-ko ku·akmachi sechenggipade Assamese mandean ong·a, aro Ramayana-ni chasongonin ua chugipa gadangni songsal baksa Assam stitgrikbaaha. Chinga gipinrangko man·dikate aro gisik saate ia ja·kuona sokaniko manina nangnikja. Assamo ia dingtangmanchagipa ja·kuona sokaniko chinga Muslim aro Christian jongadarang baksa melie manina sika. Ia salko chinga namgija miksonganiming bringipa ong·atna sikja, indiba nama miksongani baksa uko manina sika” ine agane, Congress dolde Hindurangni kosako re·gipaan ong·angaikugen ine Sarma agandapaha.
Iakoba poraie nina man·gen: Meghalaya Games 2024-ni U-18 me•asa dolni robol kal•susaani a•bachenga
Watch
