Shillong, April 22: East aro North Garo Hills a·jani forest reserveni hectar 34.88 a·arangko rama apalatanina jakkalchina ma·mong sorkarioni Ministry of Environment , Forest and Climate Change-oni bilko on·ataha.
National Highway 128B Darugre-Songsak-Williamnagar- sorokko apalbatatna Bharatmala Pariyojana ni gita kam ka·na siengaha.
Rama-jal·angrangko namdapatna kam ka·anio km. 36.635 mang bakrogipa ramako apalbatate paksamgni dake tarina sorkari kam ka·engaha aro iana adita a·arangko nangenga. Iako tarina saksa contractor an·tangan chu·gimik jako ra·e kam ka·na sienga. Ramako rika-cho·ani, design ka·ani pilakkon ua an·tangan dakangna sienga. Ian Lot-1, Packet-1B ning·o EPC (Engineering Procurement, Construction)-o pangchake on·gimin bil ong·a.
Ia kamko ka·na Forest Advisory Committee aro ui-masigipa manderang baksa agangrikchengaha. Deputy Director General of Forest (Central) Regional office Shillong aro Meghalaya ni Nodal Officer rang baksa namekai golpogrikchenge ra·aha. Iano dot 4,444 bolrangko de den·pegalna nangtelenga. Pang 1478 bolrang 60 cm mang dal·dalaha aro pang 2966 60 cm ni kosako dal·gipa bolrang ong·achim. Balgitchak, menggo a·pru, peru, Mat aro ugita matburingrang ia biapo gnang.
Darugre-Songsak-Williamnagar ramako tariania namen manderangna dakchakani aro a·dokna namroro-silroroaniko ra·bachongmotgen. A·chik a·songni manderang Shillong ona re·rurana Assam a·dokko nappaktelna nangaia, ia ramako apalbatate tarianira Garo Hills gimikni manderangnan altubee Williamnagar, Nongstoin-Shillongona songrena nengrabegnok ine a·dok sorkari aganaha.
Forest reserverangko gele gipinko rama puani chol dongteljaha. Unigimin ia forest reserverangko ramana jakkalna nangaignok.
Dagal Bolmedang aro Dambo Rongjeng songrango hectar 34.8877 a·ao bolpangrangko ge·pilskana sorkari kam ka·samsoanirangko dakengaha ine a·dok sorkari aganaha.
Rama-sorok puanio Forest department-oni maming ge·etanikon man·gija kam ka·giparang niamni a·palo ong·a aro Forest Conservation Act 1980 ni niamko pe·ani ong·chongmota. Forest department-oni mamingba ge·etani aro dakna on·ani gri kam ka·gipa manderang uamangni dosni kri adita gamna nanganirangko de forest department-na gamna nanggen ineba sorkari aganaha.
Na·simang ia video-koba nina man·gen:
Na·simang iakoba poraina man·gen: Sonibar salo Pope Francis-ko gopgen ine Vatican parakata
na·simang hubnetwork.in, oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
Instagram- www.instagram.com/ne_media_hub
