Nongpoh, Jan 6: Ramarango naljokaniko on•ani bidingo manderangna u•iatna aro a•sel ong•anirangko champengna gita Robibar salo, Hynniewtrep Integrated Territorial Organisation (HITO) Umsning circle, aro HITO Ri Bhoi District, Umsing police station baksa nangrime, ramarango motorcycle salgiparangni skatang salaniko champengna dingtangmancha checking drive-ko ong•atangaha.

Ia checking drive-ko Umsning Bypass-o ong•ataha, jeon HITO-ni membor-rang, police-rang baksa bike salgiparang helmet-rangko ganama ganja aro licence-rang dongama dongja uko am•sandiangaha.

Am•sandianiko dakon, bang•bata bike jakkalgiparangan licence gri bike-rangko salenga aro helmet-rangko ganjaenga ine ma•sina man•aha aro iandake niam pe•e bike salenggiparangna mikrakatanirangko on•angaha.

Ramarango bike stunt-rangko ka•jachina aro traffic-ni niamrangko ja•rikchina gitaba bike jakkalgipa manderangna mikrakatanirangko on•angaha.

Na·simang ia video-koba nina man·gen:

Na·simang iakoba poraina man·gen: Salgro salaram jolrango na•tok jilanio Sikkim a•dok nambatgipa ong•enga

India A·songni Salgro Salaram A·dokni gitalgipa koborrangko ma·sina sikode na·simang hubnetwork.in, oniko video-ko niangan baksa poraina man·gen.

Chingko ka·mao mesokgipa social mediarango jarikna man·gen:-

Twitter- twitter.com/nemediahub

Youtube channel- www.youtube.com/@NortheastMediaHub2020

Instagram- https://www.instagram.com/ne_media_hub