Shillong, Mar 21: Meghalaya a•dokni skotong Shillong songjinmako man•chape, dingtang dingtang songjinmarango traffic ba ramarango garirangni apchangket ong•anirang batroroengani gimin ia neng•nikaniko namatna gita a•dok sorkari, adita salrangna skangsan Meghalaya Parking Policy for Urban Areas 2025-ko ra•gataha ine Sukrobar salo, a•dokni Urban Affairs Minister Sniawbhalang Dhar parakataha.
Ia policy ba niamrang, jekon ia bilsini March 6 tarik dipet a•bachengatahachim ian Shillong songjinmako man•chape a•dokni dingtang dingtang jillarango ramarangni apchangket ong•aniko namatna ra•gatgimin niam ong•a.
Ia niamrangni bidingo talataniko on•angengon, ramarango skatang gari donanirangko komiatna aro gari gorarang nambate re•rurana man•na gita ia niamrangko tariaha ine Minister parakataha.
Ian niamrangko taridaproroani kam ong•a ine janapatengon, Urban Affairs department-ni gitana jillarangna dingtangmancha parking policy-ko tariahani gimin ian ramarango apchangket ong•aniko namatanio dakchakani ong•gen ine Dhar aganaha.
A•dokni dingtang dingtang songjinmarango parking lot-rangko tariengaha aro ramarango skatang gari donaniko komiatna gita ia kamrangko sorkari ta•raken matchotatna jotton ka•enga ineba ua aganaha.
Na·simang ia video-koba nina man·gen:
Na·simang iakoba poraina man·gen: Watershed Yatra Campaign-ko Marcuise N. Marak a•bachengata
India A·songni Salgro Salaram A·dokni gitalgipa koborrangko ma·sina sikode na·simang hubnetwork.in, oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
