Shillong, Aug 24: Ramarango palbadinge cha•enggipa manderangni namgnina Budbar salo, Meghalaya Cabinet, Street Vendors’ Protection of Livelihood aro Regulation of Street Vending Act 2014-ko ra•chakangaha.
Cabinet tom•a matchotani ja•mano kobor ra•timgiparangna talataniko on•angengon, ia niamrangko sorkari ra•chakahani gimin ramarango palbadinge cha•enggipa manderangko chel•chakna gita Town Vending committee-rangko dikdiksana songna nanggen ine a•dokni Cabinet Minister James K Sangma parakataha.
Sangma-ni parakatani gitade, municipal board-ni chief executive officer-rang, ia committee-ni chairperson ong•gen aro additional deputy commissioner-ni gadangna komigijagipa officer-rang committee-ni member secretary ong•e kamko ka•anggen.
Unbaksana ia committee-o traffic police, district health officer, planning department-ni official, district council-ni membor aro non official membor-rangba donggen ine Sangma parakataha.
