Boko, Feb 24: Khasi Hills Autonomous District Council (KHADC) election-o Rambrai-Jyrngam constituency-oni Independent candidate ong•e susagipa Lurshai Kharbani cheahani gimin Assam aro Meghalaya a•dokni sima jolrango songdongenggipa A•chik aro Khasirang bang•batan kusi ong•aniko paraktokaha.
Kharbani-ni cheanina Rambrai-Jyrngam constituency-ni MLA Reminton G Momin-ba Nokgipa Isolko aro constituency-ni manderangko mittelpilangengon, ia jolo songdongenggipa manderang, an•tangtangna dangdike on•na gita nangnikahani giminsa Kharbani-ko MDC-na seokaha ine parakataha.
Kharbani an•tangba ia MDC election-o cheahani gimin Nokgipa Isolko aro Rambrai-Jyrngam constituency-ni manderangko mittelpilangaha.
Ia Rambrai-Jyrngam constituency-o sak 16,000-mangni gita A•chik pu•ongiparang aro sak 28,000-mangni gita Khasi pu•ongiparang donga.
MDC election-o cheenba Athiabari songona re•angani ja•man, jolo songdongenggipa manderang, Rambrai-Jyrngam constituency-ni MLA RG Momin aro gital MDC Lurshai Kharbani-na jatni gandingrangchi mande ra•pilskaaniko dakangaha.
Ia KHADC election-o Independent candidate Lurshai Kharbani, VPP-ni Bonniroy Lyngkhoi, Congress-ni Bormanding Nonglang, BJP-ni Dominik Wahlang, NPP-ni Kimfa Sydney Marbaniang aro HSPDP-ni K Phalastingwell Pangniang-ko chee gital MDC-na seokako man•aha.
Na·simang ia video-koba nina man·gen:
Na·simang iakoba poraina man·gen: KHADC election-o VPP, JHADC-o NPP bate cheskaa
India A·songni Salgro Salaram A·dokni gitalgipa koborrangko ma·sina sikode na·simang hubnetwork.in, oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
