Guwahati, May 10: Pakistan a·song Indiani Jammu-o donggipa ramram manderangko aro torom nokrangko nisan ka·e dronerangchi chadrapenganina India Pakistan ko matnange aganaha. Chasongni chasongna ripingenggipa Jammuni Sbampu mitde nokko aro ramram manderangni gittimrangko Pakistan nisan ka·enga. Uamang iandake dakangkuode jakbikpilani ru·utjawa ine India parakaha.
“Pakistan a·songni kamrang namen agredugaengjok. Uamang kajiako am·anchaenga. Sirsa, Suratgarh aro Adampuro dongipa Indiani Airforce bases rangko Pakistan nisigalaha ingipaba kakket ong·ja, uamang tol·e iarangko aganaha, Indiaoni mamingba da·o dipet uamangchi nosto ka·ako man·kuja” foreign Secretary Vikram Misri aganaha.
“Pakistan Indiani ramram manderangni gittimrangko aro airfirce stationrangko nisan done kenbegnigipa drone aro fighter aircraftrangko jakkale nisigalna jotton ka·aha. Indiba a·songni sipairang uarangko nosto ka·e galsona man·aha” Wing Commander Vyomika Singh aganaha.
Ministry of External Affairs (MEA) a·songko chelchakna aro manderangna naljokaniko on·na ka·dongani kattarangko on·aha. Pakistan a·song uamangni dugapile dakenganiko dontongchina aro Indiani simarangona badepile re·bae kajia botjachina India Pakistan-na uiataniko on·aha.
Na·simang ia video-koba nina man·gen:
Na·simang iakoba poraina man·gen: Gipin a·dokrango poraienggiparangna 24X7 helpline ko Assam sorkari a·bachengata
na·simang hubnetwork.in, oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
Instagram- www.instagram.com/ne_media_hub
