Shillong, Nov 7: I-League-o mingsing minggamako man•gipa Rangdajied United FC, bilsi 10-mangni ja•man ia bilsio changsataie, All India Football Federation (AIFF)-ni Third Division League, ba jekon I-League-3 ineba minga, ia kal•susaanio bakko ra•na gita ong•kattaiaha.
2013-14 bilsirango I-League-o bakko ra•angani ja•man licence-ko man•anio champengatako man•e uamang uni ja•man robol kal•susaanirango bakko ra•na gita man•taijahachim.
Indake ong•genchimoba ia bilsio changsataie Rangdajied United FC, AIFF-ni I-League 3-o bakko ra•na gita cholko man•taiengaha aro ia chango uamang ‘Meghalaya Tourism’-ni dakchakanichi robol kal•na gita sienga.
Rangdajied United FC-ko nirokenggipa general manager-ni u•iatani gitade, ia chango uamangna Meghalaya Tourism dakchakanirangko on•engani gimin Goa-o a•bachengatenggipa 3rd Division I-League-o uamang chu•sokgipa ong•na ka•dongsoenga.
Meghalaya Tourism baksana Rangdajied United FC-na ia bilsio, PUMA sports apparel company-ba ‘official kit partner’ ong•e dakchakanirangko on•anggen ine u•iataha.
Iakoba poraie nina man·gen: TB sabisiko bon·atani bidingo tom·aniko CM a·bachengate on·a
WATCH:
