Guwahati, July 1: Mumbai-oni 80 km mangni gita chel•ao donggipa biap Lonavala-ni Bhushi Dam picnic spot-o, jimbee mikkarang waanichi rang•gitik chirang dal•baani a•sel sak 7 manderangko man•pakangahachim, jeoni, sak 4-de bi•sarang ong•achim.
Ia a•sel, Robibar salpaksa-ni somoio Hadapsar, Pune-oni Liyaqat Ansari aro Yunus Khan-ni nokdangni manderang, uamangni mahari ma•drangrang baksa picnic cha•chakgipa biapona sokangani ja•man ong•aha.
Indake, rang•gitik chirang dal•baani a•sel, chi jatchio rongte donggipao an•tangtangko rim•kingkinge mangrake rakkina jotton ka•begenchimoba ta•rakbegipa chi uamang sak 7-kon man•pakangahachim. Indake, uamangoni sak 2-de jenten a•gaona jrobatna man•e jokna man•aha aro gipinrang rasonggribee chio sripe siaha.
Ia sianggipa manderangaoni sak 3-ni manggisirangko police-rang sandie man•aha, uamangara, Sahista Liyaqat Ansari (36), Amima Adil Ansari (13) aro Umesh Adil Ansari (8) ong•achim. Indake uamangoni sakgniko da•o dipet police dolrang am•sandianiko dakkuenga. Ia gimakuenggipa manggisirangara, Adnan Sabahat Ansari (4) aro Mariya Akil Saiyyad (9) ong•achim.
Ia a•sel ong•ani somoio, ua biapo sak ritchani ritcha gipin tourist-rang donggenchimoba, darangba uamangko jokatna chol ong•jahachim. Ua a•jao jimbegipa mikkarang waani a•selo, dam-ni chirang ditdoatako man•engachim, jeni a•selan ia dal•begipa a•sel ong•aha ine nikna man•a.
Na·simang ia video-koba nina man·gen:
Na·simang iakoba poraina man·gen: Donpilgija mikkarang waanichi, Tura-ni adita biaprango a•a rua
India A·songni Salgro Salaram A·dokni gitalgipa koborrangko ma·sina sikode na·simang hubnetwork.in,-oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
Youtube channel- www.youtube.com/@NortheastMediaHub2020
Instagram- https://www.instagram.com/ne_media_hub
