Shillong, Jan 8: Gujarato Ranji Trophy cricket tournamentni group match-o Arunachal Pradesh-ko Meghalaya innings 1 aro 172 runrangchi amataha.
Diphu Ch Sangma 54 run-rangko on·e 5 wicketrangko ra·aha. Gnigipa innings-ko kal·on Arunachal Pradesh 84.5 overs-o 238 run-rangko man·e sitokaha. BCCI-ni gita a·songtango kal·anio ian Diphu Ch Sangmani 5 wicket man·chengani ong·enga. Skanggipa innings-o 18 runrangna 4 wicket ra·e, innings chang 2 kal·a matchoto 72-na gimik 9 wicketrangko man·aha.
Kal·ani indake ong·aha —Sukrobar salo skanggipa innings-ko kal·on Arunachal Pradesh 94 mangmangkosan man·aha. Indaken ong·on Meghalaya sak 9na 504 runrangko man·aha.
Uan mongsongbate Kishan Lyngdoh-ni 268 aro Ram Gurungni 132 man·anichi gapdogimin ong·a. Kishan Lyngdohni 268 dokgipaan Ranji Trophyna kal·anio Meghalayao songdonggipa mandeni double century man·chenggipa ong·enga.
Gnigipa innings-ko kal·anio Arunachal Pradesh namkalahaoba Meghayalani man·giminona maming dakeba sokdojaha, aro indaken innings 1 gitchapile Meghalaya amataha.
“Diphu Sangmani skanggipa changna 5 wicketrangko man·anina kusi ong·chaka, aro bilakbee amatanina Team MCA-na kusi ong·chaka,” Meghalaya Cricket Association-ni President Nababrata Bhattacharjee kal·a matchoto aganaha.
Diphuni jakmaan Arunachal Pradeshko kongruna dakchakaha, maina ua uamangni name kal·enggipa partnership-ko pe·an baksana dokna man·batgipa Techi Neri-koba 62 mangmang man·kuengon wicket ra·aha.
Meghalayani kal·giparang da·o Hyderabad baksa kal·na tarisoenga. Hyderabad-ni kal·giparangba ia changni plate group-o Nagalandko innings 1 aro 194 runrangchi amataha, aro uamangko mikkchangchakna bilaken tarina nanggen ine u·isoenga.
Iakoba poraie nina man·gen: Chang 13-gipa Jeevan Kite Festival-ko Guwahati-o ong•ata
Watch
