Shillong, Sep 18: Ia 2024-2025 bilsini Ranji Trophy-na Meghalaya a•dokni cricket kal•gipa dolko Meghalaya Cricket Association (MCA) parakataha.
Ia dolo sak 12 player-rang baksana sak 5 stand by player-rangko MCA-ni senior men’s selection committee seokangaha aro ian Ranji Trophy-ni skanggipa changgni kal•anirangna ong•gen.
Ia bilsini Ranji Trophy-o kal•na seokako man•gipa sak 12 cricket kal•giparangara a•doktangni chadamberangan ong•a aro ia dolo sak 15 kal•giparangko gapatna gita sakgittamkode professional cricketer-rangoniko rimbagen.
2023-24 bilsini Ranji Trophy-o Meghalaya dol, Plate Group-o kal•e runners up ong•ahani gimin ia changode Elite Group-o kal•na gita seokako man•aha aro uandaken Meghalaya dolni skanggipa kal•aniko October 11 tarikoni 14 tarikona Services dol baksa kal•anggen. Uni ja•man Meghalaya dol, October 18 tarikoni 21 tarikona Tripura dol baksa Shillong-o kal•angskagen.
Ia chang Meghalaya dolko dilna gita, 2018-19 bilsirango Under-23 women’s team-ni trainer ong•e kam ka•gipa Prabhakar Bairgond-ko gital head coach dake songaha.
Ranji Trophy-o Meghalaya dolni pal kal•na seokako man•gipa sak 12 player-rangara, Aryan Borah, Akash Kumar Choudhary, Arpit Bhatewara, Bamanbha Shangpliang, Bijon Dey, Chengkam Sangma, Dippu Sangma, Jaskirat Singh Sachdeva, Kishan Lyngdoh, Ram Gurung, Roshan Warbah aro Swarajeet Das ong•a aro sakbonga stand by player-rangara, Adarsh Joshi, Anish Charak, Lerry G Sangma, Shembhalang Pyngrope, aro Yogesh Tiwari ong•skaenga.
Ia cricket kal•gipa dolko dakchake on•enggipa manderangara, head coach-na Prabhakar Bairgond, assistant coach-na Moisten Ch Marak, physio-na Surojit Biswas, trainer-na Vikash Singh Chauhan aro manager-na Dister Marbaniang ong•a.
Na·simang ia video-koba nina man·gen:
Na·simang iakoba poraina man·gen: NH-06 jolo truck baksa Alto K10 gari chatinggrika
India A·songni Salgro Salaram A·dokni gitalgipa koborrangko ma·sina sikode na·simang hubnetwork.in,-oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
Youtube channel- www.youtube.co
Instagram- https://www.instagram.com/ne_media_hub
