Shillong, June 6: Ribhoi Watersports And Tourism Co-operative Society Ltd. dolrang Malabar River Festival 2022-o bak ra•nagiparangko watatnasienga ine sombar salo aganaha. Ia kayak ring chosusaaniko re•baenggipa July jani 22 oni 24 tarikona Keralani Calicuto ong•atangna sienga.
Ian chetgipa changna India aro a•gilsakni gipin kal•susagiparangko gisik nangatna ong•atenggipa ong•a. Meghalaya a•dokni iana skangba indakgipa susaanirangona bak ra•na susagipa dolrangko watatmanaha, uarangoni Shiningstar Basaiawmoit Best Junior Asian paddler ko aro Elizabeth Vincent Women Slalom-o chegiparang ong•aha ine nikatna man•gen. TBWTCSLni gita, Malabar River Festivalo bak ra•nagiparangko seokna June 12 tariko adita porikka ra•anirangko on•e watatna sienga. Iano sak 3 nambatsranggiparangko seoke ua kal•susaanio bak ra•na watatnasienga. Iani bidingo RBWTCSL dolrang sorkarini dakchakaniko nangnikaniko parakataha.
Mija May jani 26 tariko ia dolrangni u•iatani gitade Ribhoi Watersports and tiurism Cooperative Society Ltd. Megha Kayak Festival 2022ko Umtrew chibimao October jani 13-16 tarikrango ong•atangna sienga.
