Assam, Mar 11: Assam a•doko sason ka•enggipa sorkari, BJP dol baksa bakrimenggipa party, Asom Gana Parishad (AGP), re•baenggipa Lok Sabha Election-o susaagni candidate-rangni bimungrangko, Guwahati-o donggipa uamangni Party-ni office-o, Sombar salo press conference-ko ong•atani somoio parakataha.
Indake, ua candidate-rangni bimungrangara, Barpeta-o susanasienggipa, Assam-ni Bongaigaon a•jao changchet-na MLA ong•anggipa, Phani Bhusan Chodhury aro Dubri-ni seat-na susagnigipa, MLA ong•gitcham, Zabed Islam ong•achim.
Indake iani gisepon, United People’s Party Liberal (UPPL) dolni Raju Kumar Narzary, Kokrajhar LS Constituency-o susaangskagen.
Indake, ia candidate-rangko seokna gita, February jani 29 tariko New Delhi-o tom•e chanchirimaniko dakangaha inenba Skotong Minister Himanta Biswa Sarma, kobor ra•timgiparangna parakataha.
Re•baenggipa Lok Sabha Election-o, chu•gimik 14 seat-rangoni ge 11 seat-rango BJP dol susagen, jeon, ge•gni seat-rango (Barpeta aro Dubri), AGP susagen aro ge•sa seat-o, United People’s Party Liberal (UPPL) dol Kokrajhar seat-o susaanggen.
Na·simang ia video-koba nina man·gen:
Na·simang iakoba poraina man·gen: Tipra Motha-ni dilgipa CM Manik Saha-ko gronga, TTAADC-na chamgimin tangka paisako bakan watatchina didiata
India A·songni Salgro Salaram A·dokni gitalgipa koborrangko ma·sina sikode na·simang hubnetwork.in,-oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter-twitter.com/nemediahub
Youtube channel- www.youtube.com/@NortheastMediaHub2020
Instagram- www.instagram.com/ne_media_hub
