Shillong, Mar 5: Meghalaya a•dokona rel garirangko ra•baani bidingo aro niam gri napsrukanirangna kenchakenggipani bidingo apsan chanchirimna gita a•dok sorkari, bakan dingtang dingtang political party-rangko aro NGO-rangko okamgen ine Budbar salo, Meghalaya a•dokni Chief Minister Conrad K Sangma parakataha.
Assembly-o rel project-rangni bidingo chanchirimanina aganchakaniko on•angengon, dingtang dingtang dolrang baksa agangrikchenggija aro manderangni namnikaniko ra•chenggijade rel ramarangko tarijawa aro iakon sorkari a•bachengonin aganmanaha ine Sangma aganaha.
Rel project-rangni bidingo dingtang dingtang dolrang baksa chanchirimchina Opposition dolni dilgipa Mukul Sangma-ni ku•pattianiko ra•chakangengon, iani bidingo agan-chanchirimna gita bakan sorkari, dingtang dingtang political party aro NGO-rangko okamgen ine Chief Minister parakataha.
A•dokona niam gri napsrukanirangna kenchakesa rel project-rangko jegaltokengani gimin sorkari, dingtang dingtang dolrang baksa iani bidingo chanchirimgen ineba ua aganaha.
Rel ramarangko ma•mong sorkari, a•songni pilak kona noksikrangonan aro pilak a•dokrangonan tariengaha ine janapatskaengon, rel rama dongkugijagipa biaprangoni Meghalaya a•doksan ong•ainaba dongaha aro ia cholko da•o ra•rikjagenchimode basako man•taigen darangba aganna man•ja ine Sangma aganaha.
Na·simang ia video-koba nina man·gen:
Na·simang iakoba poraina man·gen: 2025 bilsini P. A. Sangma Memorial Basketball Tournament-o SYM dol chea
India A·songni Salgro Salaram A·dokni gitalgipa koborrangko ma·sina sikode na·simang hubnetwork.in, oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
