Guwahati, May 25: Indian Meteorological Department (IMD), West Bengal rikgamjolo balminduri ta•rakgniko aro Assam-Meghalaya a•dokrangko May 27 tariko mikka jimgnini bidingo mikrakataniko on•ataha.

May 25 tariko, Bay of Bengal-ni salaram joloni salgro jolchipakna 17 kmph balminduri ta•rakbaaniko, Kherupara  (Bangladesh)-ni salgipengoni salgipeng saliram jolrango 440 km, Sagar Islands (West Bengal)-ni salgipengoni salgipeng salaram jolrangoba 440 km aro Canning (West Bengal)-ni salgipengoni salgipeng salaram jolrango 480 km mangni gita Remal balminduri ta•rakgen ine parakataha.

Indake ia balminduri salgro chipak balbae, May 26 tarikni pringo, Bangladesh-ko balsotange West Bengal-ni Khepupara aro Sagar Island-ni gisepo May 26 tarikni waljatchio 135 kmph mangni gita ta•rakpretgipa balminduri ong•anggen.

Indake ong•engon ia Remal balminduri, Assam aro Meghalaya a•dok aro gipin salgro salaram jolni a•dokrangoba, May 27 tarikrango jimbegipa mikka baksa balminduri balanggen aro ia balmindurini ta•rakani 40-60 km/h mangni gisepo ong•gen ine IMD mikrakataha.

Iani gisepon, Balmindurini somoio naljoke dongna man•a gita sakantini dakna nanggni aro nanggijanirangko National Disaster Management Authority (NDMA)-ni gita u•iataha.

Balminduri ong•na skang dakna nanggnirang:

An•tangtangni nokko name nirokchengbo, olgrokenggipa tiles-rang, nosto ong•gimin do•ga aro kelkirang dongode uarangko tarichengbo, nangni nok sepango sigimin bolrang dongode uarangko den•e galbo, balwa balponggni bosturang jekai, tin, itda, jabol galchakgipa, signboard, iandakgiparangko balwa balnapgijagipa biapo ra•nape donbo, balmindurini somoio ra•bitgipa lantern-rangna kerosene-rangko rue donbo aro torch light rangna battery-rangko agitchae donbo, mobile phone-rangko full charge ka•e donbo, nangchongmotani somoio first aid kit-ko simsake tarie donbo, nangchongmotgipa cha•a ringani bosturang, jekai, ringani chi, merong, dal, aro sanna bananiko dakani samrangko simsake donbo, balmindurini jamano chu•onga gita jakkalna man•a chirangko name chimonge donbo aro garirangko mangrakgipa nokrangni ning•o salnape  donbo.

Balminduri ong•engmiting somoio dakna nanggnirang:

Balminduri ong•mananiko officially u•iatkujaenga dipet nokoni skatang ong•katnabe maina balwarang balroroe dongkunaba donga, chi banna re•ani ong•genchimode chu•kala biapona jite dongbo, nangni nok chu•kalgipa biapo ong•genchimode nokni naljokgipa noksikrango dongbo, nangni nokni do•ga aro kelkirangko chipe donbo, a•palni do•gacholrango mangrakgipa bosturangko donpengbo, nangni bijolini mongsonggipa switch-ko off ka•e donbo aro nangni kelkirang glass-ni ong•genchimode, uarang be•atako man•jana gita bolni doktarangko date chel•chaksobo.

Balminduri ong•ani ja•mano dakna nanggnirang:

Na•a a•palo ong•genchimode, nangni nokona re•angpilna u•iatkuja dipet naljokgipa biapon dongkubo, balmindurini jamano na•a gari salengode simsake salangbo, chi banna re•gipa biapona re•angnabe, bijolini krongrango dingdee dongenggipa silitingrangoni chele dongbo, nangni nokmikkango banbagipa jabolrangko galrokbo, gimaatako man•gipa nangni gamrangni gimin authority-rang na u•iatbo, siltongni jokbaenggipa chirangko skatang ringnabe aro chiko pangnan ritjringe ringbo.

Balminduri ba cyclone emergency kit-o mai mai bosturangko ra•bitna nanga:

Mobile phone aro radio, battery gnanggipa torch light, mombati aro dislai, sanna bannani samrang aro first aid kit, tangka paisarang aro nangchongmotgipa lekkarang jekai, ration card aro identity card-rang, sogijagipa cha•anirang, sakprako 3.7 litre mangni gita chirang, jakalna nanggipa bosturang jekai, chakku, chatgipa budu-rang, duct tape aro rakgipa ja•koprangko ra•bitna nanga.

Na·simang ia video-koba nina man·gen:

Na·simang iakoba poraina man·gen: Walkathon aro Cycling rally-ko Tura-o ong•atanga

India A·songni Salgro Salaram A·dokni gitalgipa koborrangko ma·sina sikode na·simang hubnetwork.in,-oniko video-ko niangan baksa poraina man·gen.

Chingko ka·mao mesokgipa social mediarango jarikna man·gen:-

Twitter- twitter.com/nemediahub

Youtube channel- www.youtube.com/@NortheastMediaHub2020

Instagram- https://www.instagram.com/ne_media_hub