Shillong, June 19: Reservation Roster-ni bidingo kamko ka·na songgipa Committee-ni chairperson ong·a baksana a·dokni Cabinet Minister-ba ong·enggipa Ma Ampareen Lyngdoh, Reservation-ni mamlao Committee-ni manderang baksa ku·siliting gita agangrikatgen aro dingtang dingtang political dolrangni ia mamlao chanchirimanikoba tale ra·angjolgen ine Sombar salu·iatangaha.
Ini bidingo adita salrangna skang, Office Memorandum-ko taridapani gimin sorkari chanchirimangaha ine janapatengon, reservation-ni mamlao neng·nikanirangko seachi janape committee-ni chairperson-na ba skotong minister ba chief secretary-ni jako on·china gita a·dokni political dolrangna da·alona kingking somoioko on·ahachim ine Ma Lyngdoh aganangaha.
Reservation policy-ko nipiltaichina dabienggipani gimin poraie nianiko aro nipilaniko dakani bidingo sorkarini chanchienganiko u·ina nangnikenggipa dingtang dingtang dolrangni sing·anirangko sorkari ma·sie ra·chengna nanganiko nikenba, expert committee-ko songna skangan gimikni agananirangko aro sing·anirangko ra·chimongesa sorkari kamko ka·chakatgen ineba ua talatangaha.
Expert committee-ko songna somoiko nangkugen ine aganangengon, dingtang dingtango u·igipa manderangonikoba expert committee-o man·chapatna gita jotton ka·anggniko aro pilakni nangnikani gitan ong·na ka·dongenganikoba minister aganangaha.
A·dokni Reservation Policy-ko nipiltaiani bidingo kamko ka·na songnasigipa Expert Committee-na manderangko seokna gita chief secretary DP Wahlang-ko dilgipana seokange a·dok sorkari, ge·sa search committee-ko songahachim ine nikatna gita man·gen.
Iakoba poraie nina man·gen: Matchurango LSD-ko man•ani ja•man manderangna ku•pattianirangko on•a
WATCH:
Find latest news from every corner of Northeast India at hubnetwork.in, your online source for breaking news, video coverage.
Also, Follow us on-
Twitter-twitter.com/nemediahub
Youtube channel- www.youtube.com/@NortheastMediaHub2020
Instagram- www.instagram.com/nemediahub
