Shillong, Jun 19: Meghalaya a•dokni Reservation Policy-ko nipiltaina gita a•doko songdongenggipa manderang aro dingtang dingtang dolrangni ku•pattie on•anirangko sorkarini songe on•gipa Expert Committee ra•engani gimin a•dokni Cabinet Minister AL Hek-ba adita ku•pattianirangko Expert Committee-na on•ataha.
Mool Chand Garg-chi dilenggipa Expert Committee-na an•tangni ku•pattianirangko on•atengon, 1972 bilsio tarigipa Reservation Policy-ni mongsonggipa miksonganirangko dingtangatani gri, niamrangko namdapatchina gitasa Hek ku•pattianiko on•ataha.
State Reservation Policy-ko gital dake nipiltaianio, General Category-na 15 percent-ko donchina aro Khasi-Jaintiarangna chamgimin 40 percent-oni 20 percent-ko Below Poverty Line (BPL) ba cholgri ong•batsranggipa apsan jatni manderangna chamenba, 20 percent-ko obosta namkalgipa Khasi-Jaintirangna chamchina Hek didiataha. Apsan daken, Garorangna chamgimin 40 percent-oni 20 percent-ko BPL nokdangrangna chamenba bangki 20 percent-ko obosta namkalgipa Garorangna chamchina Hek didiataha.
Meghalaya a•dokni gipin Scheduled Tribe (ST) aro Scheduled Caste (SC)-rangna 5 percent-ko chamchina gitaba Hek didiataha.
Da•o dipet a•dokni Reservation Policy-o Khasi-Jaintiarangna 40 percent, Garorangna 40 percent, gipin chonchongipa jatrangna 15 percent aro open category-na 5 percent-ko chamahachim ine nikna man•a.
Meghalaya a•doko songdongenggipa jagittamoni Khasi-Jaintiarangan mande jelbra jelsubatgipa jatrang ong•enga ine Khasi aro Jaintia Hills a•jarango dingtang dingtang dolrang, ia Reservation Policy-ko gital dake nipiltaichina dabitokskaengachim.
Na·simang ia video-koba nina man·gen:
India A·songni Salgro Salaram A·dokni gitalgipa koborrangko ma·sina sikode na·simang hubnetwork.in,-oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
Youtube channel- www.youtube.com/@NortheastMediaHub2020
Instagram- https://www.instagram.com/ne_media_hub
