Resubelpara, July 7: NITI Aayog-ni Aspirational Block Program ‘Sampoorna Abhiyan’-ko July 4 tarik dipet India a•songni pilak biaprangon a•bachengatengahani gimin ia program-ko Sukrobar salo, North Garo Hills a•jani Resubelpara C&RD Block-oba a•bachengataha.
Ia program-ko Resubelpara Development Block sokachakaha aro ia tom•anio, Mendipathar-ni MLA Marthon J Sangma, mongsonggipa sokgipa ong•e bak ra•angaha. Ia program-ko ong•atanio North Garo Hills a•jani Deputy Commissioner AK Singh, Delhi-o donggipa NITI Aayog-ni official-rang aro North Garo Hills a•jani dingtang dingtang official-rangba bak ra•angtokaha.
Ia Sampoorna Abhiyan-ko a•bachengatani bidingo Resubelpara-ni Block Development Officer Verdi Sangma talate on•angengon, Rural Development-o dingtang dingtang key performance indicator-rang, jekai ANC registration, SNP registration, Diabetes, Hypertension aro uandakgipa kamrangko bariatna nangengani giminsa ia kamrangko 100 percent chu•sokgipa ong•atna ia salonin a•bachenge jagittamna kimkro kamko ka•na gita ia program-ko a•bachengataha ine parakataha.
Ia Sampoorna Abhiyan-ko a•bachengatanichi songni nokni ma•a paarang aro bi•sarangba pilakan namgniko man•gen ine janapatengon, North Garo Hills-o institutional delivery ba health centre-rango an•pakani, an•pakanio ma•giparangni siani aro dingtang dingtang sanna banani kamrangko namdapatna gita ia program-ni ning•o sorkarini on•gimin scheme-rangko pilak songrangonan gipatna miksongenga ine Resubelpara BDO aganaha.
Na·simang ia video-koba nina man·gen:
Na·simang iakoba poraina man·gen: Chi banenggipa biaprangko a•dokni CM nianga
India A·songni Salgro Salaram A·dokni gitalgipa koborrangko ma·sina sikode na·simang hubnetwork.in,-oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
Youtube channel- www.youtube.com/@NortheastMediaHub2020
Instagram- https://www.instagram.com/ne_media_hub
