Resubelpara, Dec 18: Sombar salo, Farmers Day-ko North Garo Hills a•jani Resubelpara jolo donggipa Jonglapara songo maniangaha aro ia salko manianio, Meghalaya a•dokni Chief Minister Conrad K Sangma, mongsonggipa sokgipa ong•e bak ra•angaha.

Ia Farmers Day-ko December-ni 4 tarikon manina gita NPP-chi dilenggipa MDA sorkari, salko manchisomanahachim indiba unsalo a•dokni Chief Minister choljokjahani gimin North Garo Hills a•jao ia salko December-ni 18 tariko maniangskaaha.

Ia salko manianio, a•dokni PHE Minister Marcuise Marak, Meghalaya Assembly-ni Deputy Speaker Timothy D Shira, Bajengdoba-ni MLA Pongseng Marak, Kharkutta-ni MLA Rupert Momin, GHADC-o nominate ka•ako man•gipa MDC Aldo Sangma aro gipin dilgiparangba dongpae bak ra•angtokaha.

Ia game ge•e cha•giparangni tom•bimonganio a•dokni Chief Minister, jinmana aganprakangengon, Meghalaya a•doko songdongenggipa manderangoni 80 percent-de game ge•e cha•gipa manderangan ong•e, a•dokna cha•anirangko man•e on•na gita rakbee kamrangko ka•engani gimin a•doko game ge•e cha•giparangko mande ra•pilskana gita ia salko manie, game ge•e cha•giparangna dingtang dingtang man•gnirangko on•na sorkari tik ka•aha ine parakataha.

Sorkarini kamrangchi aro a•doko songdongenggipa mande sakantini bakrimanichi a•dokni economy-ko gong crore 45,000-oniko billion dollar 45-ona tang•doatanian sorkarini mongsonggipa miksongani ong•enga ine janapatengon, ia niksamsoaniko game ge•e cha•gipa mande sakantini, producer group-rangni aro sorkarini ra•gatgipa PRIME, Mission mode program, CM-Elevate program aro uandakgipa program-rangchi chadamberangni kamrangko jakkalanichi chu•sokgipa ong•atna man•gen ine Chief Minister aganaha.

Ia program-ko ong•atanio a•dokni Chief Minister, Garo Hills-ni dam 17 food processing unit-rangkoba kulie on•angjolaha aro re•baenggipa jarango dam 100 processing unit-rangkoba kulie on•angkugen ine parakataha.

Ia program-ko ong•atani bak gita FOCUS, Working Capital Loan, YESS aro Payment on Ecosystem (PES)-ni gimik gong crore 2.5 ong•gipa cheque-rangkoba suale on•angjolaha.

Iakoba poraie nina man·gen: Muga Reshom Krishi Mela: Indiao man·gipa muga silk gimikan salgro-salaram a·dokrangoni ong·a

Watch

Find latest news from every corner of Northeast India at hubnetwork.in, your online source for breaking news, video coverage.

Also, Follow us on-

Twitter-twitter.com/nemediahub

Youtube channel- www.youtube.com/@NortheastMediaHub2020

Instagram- www.instagram.com/nemediahub