Guwahati, May 31: Batanggimin konta 24-ni gisepo Assamni dingtang dingtang biaprango mikka jimbee waanirangko nikna man·aha. Sonitpur a·jao 220 mm aro Lakhimpur a·jao 180 mm gape mikka jimbatgipa ong·aha. Guwahati jillaoba 120mm gape mikkarang waaha aro Sonibar aro Robibar salrangoba waangkugen ine niksamsoenga.
Bangladesh-oni balwarang Assam aro uni wilwilarangona baldobaaha, uandake Arunachal Pradesh-o balmindurirang balenga, ine Guwahatini India Meteorological Department (IMD) Regional Meteorological Centre koborko on·aha.
Dhubri, Kokrajhar, Bongaigaon, South Salmara, Goalpara, Chirang, Baksa, Barpeta, Bajali, Dima Hasao, aro Cachar a·jarango Sonibar salo mikka jima baksa, kimpretani aro riprapani aro 30-40kmph ta·rake balwa balanirangko man·gen ine mikrakataniko man·soaha. Indake ong·anichi joksolangna man·gija chi skonge dongani, chi banani, a·a be·ruruani, rimilsrotani uandakgipa a·selrangona soknaba donga ine u·iataha.
Bolrang pangpike, aro cheksirang be·e sorok aro rel ramarangoba neng·nikanirangko man·anichi, re·a-doani somoiko bang·bate nangnaba donga, aro bolam-biterang nosto ong·ani aro bijoli sianirangkoba man·aba donga ineba IMD mikrakataniko on·aha.
June 1 tarikoba apsandake Dhubri, South Salmara, Goalpara, Barpeta, aro Bongaigaon a·jarango balwa mikka rake, kimprete waanirangko man·gen ine niksamsoenga.
Balwa mikkarangni gimin koborrangko ra·e, re·a-doanina watenggipa ramarangko ja·rike, mangrakgijagipa nokrangoni ong·kate, naljokgipa biaprango chake dongchina, IMD manderangna mikrakatanirangko on·ataha. Una agreba baganrang aro a·palrango nalarangko name tarichina aro chi skonggipa, a·a be·rurugipa aro chi bangipa biaprangoni chel·e dongchinaba didianiko on·ataha.
Na·simang ia video-koba nina man·gen:
Na·simang iakoba poraina man·gen: Manipurni Kangpokpi-o walo chi bana ong·e neng·nikaniko man·a
na·simang hubnetwork.in, oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
Instagram- www.instagram.com/ne_media_hub
