Nongpoh, July 16: Adita salrangna dontongpilgija mikkarang waani a•sel, Ri-Bhoi a•jani NH-6 ramao rang•gitik a•arang ruaha.
Jimbee aro dontongpilgija mikkarang waani a•selo, bang•a a•brirang aro chiringrang olgrokatako man•ahani a•selan NH-6 ramako re•ruraenggipa manderangna kenbegni ong•skaenga.
Ia a•a ruani ba be•ani Ri-Bhoi a•jani Paramrynnai song sepangjolni NH-6 ramao ong•aha.
Koborko man•soani gita a•sel ong•anio darangba saknaatako man•jaha, indiba re•a doanio adita somoirangna champengatako man•skaahachim.
Ia a•a rudapgipa biapona, National Highway Authority of India aro Nongpoh Traffic Branch-ni authority-rang bakan re•baenba, highway-o a•a ruanio be•gimin bolrangko aro rudapgimin ro•ong aro a•mangrangko ra•gale galaha. Indake ia kamrangko ka•engmiting somoio highway-ni rama paksa gita garirangko re•rurana watskaaha.
Jimbee mikkarang waani somoio a•arangni ruani aro be•anirang ong•na altuani gimin, a•a ruanina kenchakgni biaprang jekai, Ladlasharai, Umran, Umsamlem, Quinine, Umling aro uandake gipin biaprango sakantian mikrake dongna nangchongmotenga.
Songregiparangba, Ri-Bhoi a•jani National Highway-6 ramako songreengon simsake aro mikrake songrena nanga.
Na·simang ia video-koba nina man·gen:
Na·simang iakoba poraina man·gen: Re•baenggipa sal somoirango Sohra sin•rongbewalna bate sin•aniko chagrongna sia
India A·songni Salgro Salaram A·dokni gitalgipa koborrangko ma·sina sikode na·simang hubnetwork.in,-oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
Youtube channel- www.youtube.co
Instagram- https://www.instagram.com/ne_media_hub
