Shillong, Apr 3: Meghalaya a•doko songdongenggipa Karbi manderang aro uamangni dedrangrang, jattangni daka rikanirangko skie ra•na man•na gita Ri Bhoi a•jani Purduwa Kharpati jolo Karbi Cultural Centre-ko rikna gong lak 50 tangkarangko chamatgen ine Bristibar salo, Meghalaya a•dokni Chief Minister Conrad K Sangma parakataha.
All Meghalaya Karbi Association (AMKA)-ni bilsi 50 gapaniko manianio dongpae bak ra•anganio iako Chief Minister parakataha.
AMKA-ni bilsi 50 gapaniko manianio dongpae bak ra•na man•ahani gimin an•tangni kusi ong•aniko parakatengon, Karbi-rangni nitobegipa daka rikanirangko nikna man•ahani giminba Sangma, mittelpilaniko parakangaha.
Meghalaya a•dokko man•chengaonin Karbirangba Meghalaya-ni bakan ong•a ine janapatskaengon, Meghalaya a•dokko man•na krenganio a•dokni gipin Tribal dilgiparang baksa bakrimanirangko on•ahani gimin Chief Minister, Karbi dilgiparangko mittelpilangaha.
Jatni daka rikanirangko ripingangkuchina gitaba ua didianiko on•angaha aro a•doko songdongenggipa Karbirangna pilak nanga dakchakanirangko on•angkuna gitaba ua ku•rachakaniko on•angaha.
Na·simang ia video-koba nina man·gen:
Na·simang iakoba poraina man·gen: SSLC porikkani result-ko Sonibar salo parakgnok
na·simang hubnetwork.in, oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
