Shillong, May 12: Assam a·dokni A·chik song damsao, mande sigipao na·tok cha·e manderang saaniko man·ani ja·man da·o Ri Bhoi a·jaoba Nongladaw minggipa songni manderang, apsan daken mande sigipao na·tok aro gipin cha·anirangko cha·e saaniko man·tokaha.
Koborko man·soani gitade, Ri Bhoi a·jao donggipa Nongladaw songni manderang, Assam a·dokni Mairangpur songona ma·drang nanggipa siani gimin re·angaha aro uano uamang na·tok, alu, dal aro gipin cha·anirangko cha·e noktangtangona re·angpilon saaniko man·na a·bachengtokaha.
Ia cha·anirangko cha·e komibeoba sak 40-mangni gita songni manderang saaniko man·aha aro uamangko Patharkhmah Community Health Centre-o donattokaha.
Patharkhmah CHC-ni Doctor L Gashnga-ni u·iatani gitade, Nongladaw songo bang·a manderang saaniko man·tokaha ine May-ni 9 tariko uamang koborko man·soaha aro sagiparangko salna gita uamang ambulance bolgniko ua songona watataha.
Ja·mano sagipa manderangko ambulance-rango salbae hospital-o donataha aro uamangoni mitamkode sanna bananirangko on·e watpilataha indiba mitamkode hospital-o done sanna bananirangko on·engkua ine doctor parakataha.
