Nongpoh, Sept 08: Joa kal·chakram biap, chong·motan Casino-ko Ri-bhoi district a·jao kullina gita chanchie ra·baenganiko jegalsotokenba Joint Action committee comprising of the Synjuk Ki Rangbah Shnong Ri Bhoi, dolgittam NGO-rang, Khasi Students Union (KSU) Ri Bhoi Unit, FKJGP aro HNYF ia gimikni nangrimgimin Joint Action Committee, Bristibar salo a·dokni skotong minister Pa Conrad K Sangma-ko gronge memorandum-ko on·angaha.
Iani bidingo JAC-ni secretary aro North Khasi Hills-ni KSU-ni president-ba ong·enggipa Ferdynald Kharkamni-ni koborna kan·dike talatani gita, skotong ministerko mikkang-grik gronge agangrika namen chu·sokgipa ong·aha, jean a·doko casino-rangko kullina mangsonganiko ra·galpilaha ine ka·dongataniko on·aha ine parakataha.
Unbaksana, ia Gaming Bill-ko manderang maidaka bewalo rimchaksogen uko nina gitaba ra·bae niani ong·a, indiba Ri Bhoi-ni manderang iako ra·chakjaha aro casino-ko kulliani kosako ong·a jekon sorkariba manderangni ku·rangko namen knachakaha ine Kharkamni agandapataha.
