Shillong, Sept 26: Meghalaya BJP dolni padotni biapko ra·skana gita Rikman Momin-ko adita salrang skang gital president-na seokanganiko, Pynthorumkhrah-ni MLA Alexander Laloo Hek-ba an·tangni namnikpaaniko Mongolbar salo parakangaha.
Iani bidingo kobor ra·timgiparang baksa agangrikangengon, Hek, batanggimin changni MP eleksino Tura seat-oni susaangpagipa ong·an baksana Rikman Momin, batanggimin bilsi 2-rangonin BJP dolni National council-ni saksa a·gipi memborba ong·a ine janapataha.
Uko seokanio a·selrang donganiko sing·on, Hek minggipin a·selrang donggijaniko aganenba, dolni gital president-ko songpiltaiani somoi ong·ahani giminsa, Pa Momin-ni dolna on·kange kam ka·aniko aro uni a·gipibataniko nigrikesa padotni kamko jako ra·china gita una on·aha ineba ua talataniko on·angaha.
Meghalaya BJP-ni padotko seokanio, iana skang uni bimingba dongpaani gimin sing·angon, dolni niamrangko ja·rikesa BJP dilgipako seokaha ine aganchakan baksa, dolni gital padotko seokanio re·baenggipa Lok Sabha-ni eleksino maming bak nangja, maina BJP dolara a·dokode gitalgipa dol ong·ani gimin pilakon pangnan tarisamsoanikode dakrongaienga ineba ua, kobor ra·timgiparangni re·baenggipa Lok Sabha eleksinna dolko tarisamsoani bak ong·engama ine sing·aninaba aganchakangjolaha.
Iakoba poraie nina man·gen: Shillong-o mitam manderang sorkarini a•ao napdrae dongenga: FKJGP
Watch
Find latest news from every corner of Northeast India at hubnetwork.in, your online source for breaking news, video coverage.
Also, Follow us on-
Twitter-twitter.com/nemediahub
Youtube channel- www.youtube.com/@NortheastMediaHub2020
Instagram- www.instagram.com/nemediahub
