Tura, July 28: Bristibar salo police-rang, Tura Edenbari jolo donggipa Tura-ni BJP MDC Bernard N Marak-ni bagan-oniko adita silchidarerangko man•taiaha.
Police-rangni u•iatani gitade, adita salrangna skang ‘Rimpu Bagan’-oniko jokata man•gipa bi•sarangni ba•ra kancha aro ki•taprangko ra•na Bristibar salo District Child Protection Unit aro Meghalaya Police-ni manderang, Rimpu Bagan-ona re•angpilahachim. Ua biapona sokangon police-rang, chongipa do•ga ge•sako nike, ia do•gako pe•drae kulion, ia kuturioniko bretatna jakkalgipa bosturangko aro adita silchidarerangko man•aha.
Ia biaponiko police-rangni man•gipa bosturangara, gelatin stick ge 35, detonator ge 100, chri ge 4 aro bra pong 15 ong•achim.
Ia bosturangko sakki gnang police-rang rim•aha aro bakan kachariona ra•anggen ine police official-rang parakataha.
Iani bidingo police-rang, rim•ako man•gipa Tura-ni BJP MDC Bernard N Marak-ni kosako Explosive Substances Act 1908-ni ning•o mokordomako sedapgen ineba u•iataha.
