Guwahati, Feb 13: Robibar salpaksani somoio, rim•srukanga man•gipa bilsi 1 adha ong•gipa me•chik bi•sako police dolrang konta dokni gisepo jokatna gita man•aha. Dosi dakgipa manderang ia bi•sako Khanapara Flyover-oniko rim•srukangahachim, indake ong•genchimoba, rim•srukanggipa manderangko Robibar attamchibara rim•na gita man•skaha.
Indake ia a•selni bidingo, ia bi•sani ma•a paa police-na taraken koborko u•iataha aro bakan police dolrang am•sandianiko dakenba jak donggipa, Guwahati-ni Fatasil Ambari-oni saksa me•chikko man•chape gimik sak gittam manderangko rim•na man•aha inenba Police Commissioner, Diganta Borah aganaha.
“Ia bi•sani ma•a paa, chongipa dokan chongmotan gue dene palani dokanko chalaiengachim. Indake, ia dosi gnanggipa mande uamangni dokanona re•barongenba ia bi•sa baksa kal•grike rorongachim aro chocolate-rangkoba ra•e on•rongachim. Robibar salo apsan mandean re•baenba sepangjolo donggipa dokanniko chocolate ra•e on•a inenba rimange re•bapiljahachim” inenba Borah aganaha.
Una agreba, saksa pekatgipa samrang jakkalronggipa Niki Boro ia bi•sako Khanapara Flyover-oniko rim•srukangenba dosi gnanggipa Samir Dey-ni jako pakwateaha aro ia bi•sako Fatasil Ambari-ona rimange donaha. Indake ia bi•sako, tangka gong lak 1,20,000-na palna inenba uamang tik ka•manahachim ineba Borah janapataha.
Watch
Find latest news from every corner of Northeast India at hubnetwork.in, your online source for breaking news, video coverage.
Also, Follow us on-
Twitter-twitter.com/nemediahub
Youtube channel- www.youtube.com/@NortheastMediaHub2020
Instagram- www.instagram.com/nemediahub
