Tura, April 14: Webster A. Momin-ni sechimonggipa ki•tap ‘Ring•ambi Ring•atchu’-ko Tura Christian College-ni Assistant Professor Basan R. Marak-ni jakchi Upper Chandmari-o donggipa NM Complex-o oprake on•aha. Ia ki•tapko oprakanio, git serakgipa aro git ring•rakgipa manderang jekai Foster M. Momin, Brucelline G. Momin, ABDK-ni Mission Director, Rev Rettier G. Momin, ABMDK-ni Women Director Nochi A. Sangma, ABDK-ni Project Officer Anse Wanne Momin, MCCL-ni Vice Chairman Dabo Mrong aro gipinrangba dongpae bak ra•angaha.
Ia Ring•ambi Ring•atchu ki•tapara, A•chik pagitcham ma•gitchamrangni katta ba ring•anirangko sechimonge chapa ka•gipa ki•tap ong•a aro ian gitcham gitrangko ripinge rakkina miksonge tarigipa ki•tap ong•a.
Ia ki•tapo pagitcham ma•gitchamrangni ming 44 gitrangko seaha aro ia gitrangko da•ororoni chadamberang altuae ma•sina man•na gita gitni kattarang baksana staff notation-koba on•chapaha.
Ia ki•tapo staff notation-ko Tengrak G Momin tariaha aro ki•tapko Seming D Sangma-ni dilanichi chapa ka•aha.
Na·simang ia video-koba nina man·gen:
Na·simang iakoba poraina man·gen: Harijan Colony-ko apjitatani bidingo ta·raken tik ka·anggen : Dy CM
na·simang hubnetwork.in, oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
