Dadeng March 19: Garo Hills a·jao gitchambatsranggipa Civil Sub Division, Dadenggre-o songdongenggipa manderangna nambata re·a doaniko on·a man·a gita, Ringgi chiringko kabatgipa dolongko gital dake RCC dolongko taritaina, Meghalaya Infrastructure Development Corporation-ni Chairman, James Pangsang K Sangma pangchakaniko songe on·aha.
Ian ma·mong sorkarini chamatgipa gong crore 9-ni project ong·a jekon Skotong Minister Conrad Sangmani dilenggipa sorkarini krenge kam ka·anichi man·baaha. Ia dolong, adita bilsirangna skang jimbee mikkarang waanichi chi ban re·anio nosto ong·atako man·gipa ong·a.
Ia tom·anio mongsonggipa sokgipa James Pangsang K Sangma, a·doko namroro silroroaniko ra·bana krenge kamko ka·enganina skotong Minister-ko mitelpilskaangan baksa, ia dolongan Dadenggre-o songdongenggipa manderangna gamchatgipa ong·a aro ia dolongko tarina man·anichi ua jolo donggipa manderangna nambata re·a doaniko on·a aro janggi tanganio nengrakale janggi tangani cholko on·a man·gnok ineba ua aganaha.
Unbaksana, ia dolongko tarina Dadenggre Catholic Parish-ni gita a·ako on·ahanina mitelpilskaaniko dakengon, a·jao namroro silroroaniko ra·baanio a·arangko sorkari nangnikgenchimode, a·arangko on·e sorkarina dakchakaniko on•china ua mol·molaha.
Ia tom·anio, GHADC-ni MDC aro Executive Member ong·enggipa Grahambell Sangma-ba, Garo Hills gimiko aro Dadenggre-o rama jal·angrangko tarie namroro silroroaniko ra·bana kamko ka·enganina Skotong Minister Conrad Sangma aro gitcham Minister James Pangsang K Sangma-ko mitelpilskaangaha.
Na·simang ia video-koba nina man·gen:
Na·simang iakoba poraina man·gen: Sanna bananio dakchakaniko on•na ‘CM Care+’ scheme-ko a•bachenga
India A·songni Salgro Salaram A·dokni gitalgipa koborrangko ma·sina sikode na·simang hubnetwork.in, oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
