Shillong, Oct 18: Robibar salko man·chape, ia bilsio Cherry Blossom Festival-ko ong·atenganina jegalsoenggiparang dongani gimin, a·dokni Tourism minister Pa Paul Lyngdoh, antio salsa mangmangsan rongtalaija, indiba pilak salan rongalgipa ong·a ine aganchakaniko on·angskaaha.
Iani bidingo Pa Lyngdoh, Butbar salo kobor ra·timgiparangna agananganio, antio salsa ba badiaba antio manderangna dingtangmancha ong·e rongtalgipa ong·a aro bangki salrangde rongtalgipa ong·ja ine aganna gita man·jawa aro iandake agananiara kraa ong·ja, maina an·chingna salantian gamchata aro rongtalgipa salan ong·aia ine Pa Lyngdoh aganangaha.
Ia bilsini Cherry Blossom Festival-ko re·baenggipa November jani 17 tarik Sukrobar saloni a·bachenge, 19 tarik Robibar salona Bhoirymbong-o ong·atna manchisoenggipao, Robibar salko man·chape ong·atenganina Saindur Tipkur Tipkha Ehrngiew Hynniewtrep (STIEH) dolni jegalsoenganiko ine nikatna gita man·gen.
Iakoba poraie nina man·gen: India aro B’desh a·songni ‘Sampriti-XI’ Military Exercise-ko ong·ata
Watch
Find latest news from every corner of Northeast India at hubnetwork.in, your online source for breaking news, video coverage.
Also, Follow us on-
Twitter-twitter.com/nemediahub
Youtube channel- www.youtube.com/@NortheastMediaHub2020
Instagram- www.instagram.com/nemediahub
