Aizawl, Nov 29: Mongolbar salo, NGO Coordination Committee (NGOCC)-ni sakbonga membor-rang, Election Commission-ko Delhi-o grongenba, December 3 Tarik chongmotan Robibar salo, Mizoram Assembly Election vote-rangko channa gita tik ka•giminko ra•doatchina inenba dabiangaha.

Indake ia songsarni namgnina kamko ka•gipa aro students’ organisation NGOCC, Mizoram a•doko mongsongbate Christian-rang bang•batani gimin Robibar salko bi•ani sal ine channachim, uni gimin ia tik ka•gimin tarikrangko EC-ni gita dingtangatgen ine ka•dongsoenga ine aganangaha.

NGOCC-ni chairman ong•an baksa Young Mizo Association (YMA)-ni Padot ong•enggipa Lalhmacchhuana, ECI-ko grongenba vote channani tarikko ra•doatchina mol•molaniko dakna gita re•dilangaha. Indake NGOCC-ni watata man•giparang, a•dokni Chief Electoral Officer (CEO) Madhup Vyas-ni ECI-ko grongani jamansa Delhi-ona re•angskaaha.

Indake ong•engon, December 3 tariko vote channaniko dakna gita, a•dokni dingtang dingtang a•jarango, dam 40 vote chanchakram biaprangko tarigen aro ia dam 11 a•jarango, chanchakram kutturi ge•antion EVM-rangko donmanahachim ine official-rang aganangaha.

Iakoba poraie nina man·gen: ‘Greater Tipraland’-na dabienggipani bidingo TMP, MHA-ni advisor-ko gronga

Find latest news from every corner of Northeast India at hubnetwork.in, your online source for breaking news, video coverage.

Also, Follow us on-

Twitter-twitter.com/nemediahub

Youtube channel- www.youtube.com/@NortheastMediaHub2020

Instagram- www.instagram.com/nemediahub