Tura, Apr 27: 1980 bilsirang, 1990 bilsirang aro 2000 bilsini a·bachengachibara bikotgipa dingtang dingtang Rock band-rang, jemangan cholrang ong·jae aro dingtang dingtang a·selrangchi da·o bon·chipatako man·e dongna nangtokengachim, uandakgipa rock band-rangko tangatpilna aro Garo Hills-o Rock music-ko tange rakkiangna gita dingtangmancha Tura-ni Rock Revival Music Society (RRMS), Rock musician-rangni skanggipa changna tom·bimonganiko Sonibar attamo, Tura-ni Rongkon-o donggipa Aldara resort-o ong·ataha.
Ia tom·aniko ong·atani bidingo jinmana agan-talate on·angengon, Garo Hills-o Rock music-ko tangatpiltaina aro Garo Hills-ni rock musician-rangna cholrangko on·e dakchakna man·na gita 2024 bilsio Rock Revival Music Society-ko bikotaha aro ia salo dingtangmancha gitcham rock band-rangni membor-rangko apsan grongpiltaina chol on·na aro gitrangko ring·taina cholko on·na miksonge ia get-together ba apsan tom·chimongani program-ko ong·ataha ine RRMS-ni president Romu Ch Marak parakataha.
Ia tom·anio A·chikrangoni doka dam·anina gisik nangdilgipa pagiparangoni saksa aro gitcham sorkari official Shekhar Sangma baksana South West Garo Hills a·jani Additional Deputy Commissioner (ADC) Dolrich Berin G Momin-ba bak ra·e, Garo Hills-ni rock band-rangna didiani aro ku·pattianirangko on·angaha.
Ia program-ko ong·atanio gitcham band-rangoni Nazguls, Hi-Fi Stereo, Hex aro una agreba Panacea dolni Tengkrang Sangma, Renegades-ni Osmond Sangma, Quiet Heart-ni Gene Kelly, Saturnalia-ni Olly Marak, Genes-ni Olivia Momin, Celestial-ni Tangringchi Momin, Che Guevara aro gipinrangba gitrangko ring·e mesokangaha.
Ia program-ko chu·sokgipa ong·atna man·ahani gimin ia program-na tangka paisarangko on·gilgipa, bil-jakchi dakchakgipa aro ia program-o bak ra·gipa pilakkon RRMS mittelpilataha.
Na·simang ia video-koba nina man·gen:
Na·simang iakoba poraina man·gen: Nagaland police, Pahalgam-o ong·a obosta jaman tol·e jangbingbangatani bidingo mikrakataniko on·a
na·simang hubnetwork.in, oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
Instagram- www.instagram.com/ne_media_hub
