Shillong, Mar 15: Rockski EMG baksa The Meghalayan Age Limited nangrime a•bachengatenggipa “Hills on a Plate – Meghalaya” TV Series-ko Jio Cinema-o mesokaniko bang•gija somoiorangni jamanon a•bachengatgnok.
Indake, ia show-ni bakrangko, Jio Cinema OTT-o mesokanggen.
Ia “Hills on a Plate – Meghalaya” show-ko, dingtangmancha Abode of Clouds, chongmotan aramrangni dongram biap ba Meghalaya a•dokni nitoaniko aro dingtang dingtang cha•a ringanirangko, apalbegipa jatni dakbewalrangko mesokna ine miksongenba ong•atani ong•a aro unbaksana ia series-o songrean baksa Chef-rangni gisepo song•susaanirangko dakanggen.
Ia show-o niroke rai on•a gita sakgittam Chef-rang gnang, uamangara, Master Chef of Australia-ni Sarah Todd, Ardahun Passah aro William Diengdoh ong•achim. Indake, ia show-ko Gordon Thabah aro Abigail Pamei dilanggen aro iano bak ra•enggiparangara, Artet Kharsati, Ivan Suting, Daei Suchiang, Nambie Marak, Tanisha Phanbuh, Uttam Thangkhiew aro Adonijah Lyngdoh ong•a.
Ia show-ko Jio Cinema OTT-o mesokangna skang, March jani 20 tariko, Lariti Auditorium-o attami 6 bajio, ia show-ni gimin kan•dike nipilaniko dakangchenggen.
Iano bak ra•e niangna gita, www.hillsonplate.com website-oniko ticket aro gipin u•iatanirangko nina man•gen.
Ia mesokani, Meghalaya a•dokni mingsa gamchatgipa chu•sokaniko aro a•dokni niksenganio batroroenganiko mesokaniba ong•gen.
Na·simang iakoba poraina man·gen: National Cricket Academy Zonal Camp-o Meghalaya-ni sak 3 chadamberang bilsi 16-ni ning•o bak ra•na seokako man•a
India A·songni Salgro Salaram A·dokni gitalgipa koborrangko ma·sina sikode na·simang hubnetwork.in,-oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter-twitter.com/nemediahub
Youtube channel- www.youtube.com/@NortheastMediaHub2020
Instagram- www.instagram.com/ne_media_hub
