Tura, Jan 17: Rongadatgre Youth and Cultural Club (RYCC), Rongadatgre Phulbari-o Health Camp-ko Sukrobar salo ong•atangaha aro iano ua songni manderang Eye and ENT checkup chong•motan, mikron, nachil, gingting aro gitoko man•gipa sabisiko porikka ka•e nirikna cholko man•aha. Ia health camp-ko Nepal-ni Jhapa-o donggipa Etisha Health Care Birta Eye & ENT Hospital-ni gita dakangaha jeon, Dr. Subash Sangraula, Biswajit Sobor (Pharmacist), Pramod Shrestha (Optician) aro Saurab Subedi (Management Officer) mikronrangko porikka ka•e nianiko dakangaha. Ia camp-o sak 54-na batpile manderang bak ra•angaha aro an•tangtangko porikka ka•e nianiko dakangtokaha.
RYCC-ni President Arcosh M Momin, ia Camp-ko ong•atani gamchatani gimin janapangan baksa, chel•bea biaprangchi mikron, nachil, gingting aro gitokni sabisirangko porikka ka•e nina gita re•angna nanggijan iandakgipa camp-rango gongsaba tangka paisa bon•gija porikka ka•e nina chol ong•aha ine aganaha.
Indake, ia camp-ona Nepal re•bagipa dolrang uamangni advance ong•gipa ostrorangko ra•baaha jean saenggipa manderangni mikronko bakan ka•sinatna dakchakaniko on•aha.
Nepal a•song, mikron saaniko sanna bannanio namen niksengako man•gipa ong•a. Ia a•songo dingtang dingtang nambatsranggipa mikronni hospital-rang gnang jekai, Tilganga Institute of Ophthalmology nambatsranggipa hospital-rangoni mingsa ong•a, jeonan South Asia-ni dingtang dingtang bakrangoni re•bae mikron surgery ka•e nampilgiparang gnang aro ian a•gilsak gimikoni mikron saaniko sannanio Nepal a•songko mingsingbegipa ong•ataha.
Iandakgipa apsan camp-ko gipin a•jao ong•atangkuna RYCC miksongengkua.
Na·simang ia video-koba nina man·gen:
Na·simang iakoba poraina man·gen: Salgro Salaram jolo donggipa a•dokrangoni MSME-o segatanio Manipur skanggipa biapo : Biren Singh
India A·songni Salgro Salaram A·dokni gitalgipa koborrangko ma·sina sikode na·simang hubnetwork.in, oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
Youtube channel- www.youtube.com/@NortheastMediaHub2020
Instagram- https://www.instagram.com/ne_media_hub
