Williamnagar, February 17: Rongjeng Constituency-ni National People’s Party (NPP) candidate Jim M. Sangma-na Sukrobar salo, Meghalaya a•dokni skotong minister aro NPP-ni national president Conrad K. Sangma, Williamnagar-ni NPP MLA Marcuise N. Marak aro NPP dolni agipi dilgiparang baksa Rongjeng kalchakram biapo campaign ka•angaha.
Rongjeng Constituency is marching ahead with great hope under the NPP! Our candidate, Sh. Jim M Sangma has shown his capacity as MLA and is determined to lead again in 2023 under the NPP.
Thank you Rongjeng for your show of love!
NPP for Rongjeng! NPP Again for 2023! pic.twitter.com/DGCQmiiFDI
— Conrad K Sangma (@SangmaConrad) February 17, 2023
Ia tom•bimonganio NPP-ni dilgipa aro Williamnagar-ni MLA Marcuise Marak, tom•anio bak ra•anggipa hajal kotok manderangna aganprakangengon, skotong minister Conrad K Sangma-ni dilanichi NPP sorkari bilsi bongana a•dokko chalaianio bang•en namroro silroroanirangko ra•bana man•aha ine parakataha.
NPP-chi dilgipa sorkariko dingtang dingtang dolrang be•gruatna jotton ka•ahaoba Conrad Sangma a•dokko mikkim gnange re•dilahani gimin be•gruatna man•jaha aro NPP sorkarini namgipa kamrangni a•selan da•o dingtang dingtang dolni dilgiparang NPP-o naptokaha ineba Marak aganaha.
Ia tom•anio skotong minister, jinmana aganprakangskaengon, batanggimin bilsi bongani gisepo NPP sorkarini chu•sokata gita una skang ong•anggimin sorkarirang, bilsi 15-oba chu•sokatna man•jahachim ine parakataha.
Ia apsan salon, NPP candidate Jim M. Sangma-na Mangsang songoba campaign ka•angaha aro ia tom•anio Jim M. Sangma, jinmana aganprakengon, ia NPP sorkari Mangsang songni manderangni dabia gitan Mangsang-niko MDC tariaha aro chu•sokata ine parakatenba, ia changoba uko dakchakchina aro seoktaipilchina gita Mangsang songni manderangko didiangaha.
Marcuise N. Marak-ba ia tom•anio jinmana aganangengon, Conrad Sangma-ni sorkariko rikani ja•man, Garo Hills-o tom•tomani sokbaaha aro pilakan maming kenchakani gri tuna man•tokengaha ine parakataha. Tom•tomani sokbaahani gimin songadam-nokadamrangi badingchiwale cha•anirang nambataha ineba ua aganaha.
Ia tom•anio mongsonggipa ong•e sokgipa Conrad Sangma jinmana aganprakangengon, ia changba NPP dolan sorkariko rikgen, uni gimin gipin dolna pu•onede maming namgni dongjawa ine ia changoba NPP-kon seoktaichina jolni manderangko didiangaha.
