Williamnagar, Aug 19: Sombar salo, Meghalaya a•dokni Chief Minister Conrad K Sangma, East Garo Hills a•jani Rongjeng-o gital rikgipa Rongjeng Model Degree College-ko kulie on•angaha aro ia college-ko kulie on•anganio, a•dokni Education Minister Rakkam A Sangma, Rongjeng MLA Jim Sangma aro dingtang dingtang dilgiparangba dongpae bak ra•angaha.
Ia Rongjeng Model Degree College-ko kulie on•anganio a•dokni Chief Minister, jinmana aganprakangengon, Rongjeng ia college-ko rikaniara Purno A Sangma sagini Rongjeng-ni manderangna ku•rachakaniko chu•sokatanian ong•a ine parakangaha. Ia college-ko Purno Agitok Sangma-ni bimingchi minggen ineba ia tom•anio Chief Minister parakataha.
Ia college-ko India sorkarini ning•o donggipa Education Ministry-ni RUSA 2.0 scheme-ni ning•o rikaha aro ia college-ko rikanio gong crore 12 tangkarang koros ong•aha. Ia degree college-ni academic session-ko ia bilsionin Arts stream-chi a•bachenggnok.
Ia college-na ramarang, chirang aro gipin nanganirangkoba bakan on•gnok ineba ia tom•anio Chief Minister parakataha.
Ia tom•anio, a•dokni Education Minister Rakkam A Sangma-ba jinmana aganprakangengon, Rongjeng-o songdongenggipa manderangna niksamsoanirang dongahani gimin PA Sangma sagiko mittelpilangenba, uni bebera•ani gita bida budimangmangchisan songsalko mangrakbatatna man•gen ine aganaha.
Na·simang ia video-koba nina man·gen:
Na·simang iakoba poraina man·gen: Assam CM Himanta Biswa Sarma ‘ Raksha Bandhan’ manianio bak ra•a
India A·songni Salgro Salaram A·dokni gitalgipa koborrangko ma·sina sikode na·simang hubnetwork.in,-oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
Youtube channel- www.youtube.co
Instagram- https://www.instagram.com/ne_media_hub
For news & updates, Download Hub News App from Google playstore
