Williamnagar, December 11: Rongkemo kuligital ALDANOK RESORT-ko da·al December 11 tariko MP Agatha K Sangma nokdonggadile on·aha. Uan Samanda Rong·kemo, Simsang chisamo nitobegipa roram dongram ong·a.

Covid19 sokbana skangan uano donggipa wa·grimko pe·e nok rikaniko a·bachengaha. A·chik jatni man·rikrikbaenggipa dakbewal rikbewalrangko ripingna aro gipinchini songrebagipa manderang waltu-saldongangna a·dam dongchina gita miksonganio ua biapko tariaha ine resortni nokgipa Georgemon S Marak aganaha.

Ia resortni mongsongbatgipa mikpatara nitobegipa nokpante ong·a. Rongkemo rikgipa nokpantean da·odipet nambatgipa, nitobatgipa aro dam rakbatgipa ong·gen ine uko rikgipa Sembertush A Sangma aro Handam R Marak aganaha.

Nokachik aro nokpanteni bidingo Sembertush ru·uten aganoba knana gitik dakkuenga ine tom·ao donggiparang agantokaha. Naga Heritage Villageo rikbagipa nokpanteo jerangkon chu·sokatna man·bajaha uarangko Rongkemo chu·sokataha ine Sembertush aganaha. Rongkemni nokpanteko rikanio do·kaku aro jang·kena gambari bolko aro bangpak, bilbang, an·rimolna chram bolrangko jakkala.

“Anga an·tangba nokachik aro nokpanteni gimin an·tangni u·ianiko gaora dakrongachim, indiba da·al aganako knaora angni u·ianide mamingan ong·rikja” ine a·dokni minister Marcuise N Marak aganaha. Sorkarini kamna nichakaigija changatang a·bao tangka paisa man·ani cholrangko dakchina ua didie aganaha. Meghalayani economyko 2028 bilsio 10 billion-ona sokatna CMni miksongani gnang, aro indakgipa tangka bikotani cholko dakania a·dokni man·e cha·gnina on·gilani ong·a ineba ua agandapaha.

Resort-ko nokdonggaanio mongsonggipa sokgipa ong·e, MP Agatha K Sangma, indakgipa biapko tariana mittele aganaha. A·gilsakni gipin biaprango jatni indonga nokrangko rike donako nikbaaniko ua aganaha, aro indakgipa resort-o jatni chroka, doka dam·a aro ring·a minganirangko dongjringatna man·ode namgen ine aganaha.

Tom·aniko Simon George S Marak me·subee chalaiengon, dambemitingo ku·tangko dal·nikna changjae da·o skimna nangenga ine an·tangko sakki on·e agane, ku·tangna aro jatni dakbewal ka·bewalna gisik nangchina gita ua chadamberangna didie ku·pattiaha.

Iakoba poraie nina man·gen: Harijan Colony-ko apjitanio politics kal•na jotton ka•enga ine VPP-ko Dy CM matnanga

Find latest news from every corner of Northeast India at hubnetwork.in, your online source for breaking news, video coverage.

Also, Follow us on-

Twitter-twitter.com/nemediahub

Youtube channel- www.youtube.com/@NortheastMediaHub2020

Instagram- www.instagram.com/nemediahub