Tura, June 22 : Sukrobar salni bako, Tura-ni Rongkhon-o donggipa College of Teachers Education (CTE)-ni chang 31-gipa Foundation Day-ko uamangni college-ni auditorium-o maniangaha.
Ia CTE-ko, Tura-ni Rongkhon-o 1993 bilsio a•bachengataha. Ia college-ko a•bachengata intalonin India-ni dingtang dingtang a•dokrangna aro Meghalaya a•dokni dingtang dingtang a•jarangna nangnikanirangoba dangdike on•enga, mongsongbate Garo Hills-o songdongenggipa manderangna.
“Education for Excellence” ian ia CTE college-ni motto ba ja•pang katta ong•a, jean college-o skigiparangna nambegipa skianiko on•a nanganiko mesoka, jedakode uamangba chadambe sakantikon an•dalaoni teng•aona aro skia man•gijagipaoni gisik seng•aniona dilbana gita man•gen.
Ia program-ona, West Garo Hills-ni Deputy Commissioner aro CTE-ni Advisory Board-ni Chairman Jagdish Chelani mongsonggipa sokgipa ong•e bak ra•angan baksana, Tura Municipal Board-ni Chairman J D Sangma, Bon Bosco College of Teachers Education-ni Principal Rev. Fr. Dr. Pius Varghese, Tura Rongkhon CTE-ni Principal Meena A Sangma, staff-rang, CTE-ni Advisory Board-ni member-rang, professor-rang, dingtang dingtang institution-rangni Principal-rang aro ia college-o poraienggipa chatro chatrirangba iano bak ra•angpaaha.
CTE Rongkhon aro CTE Don Bosco ian mongsonggipa institution-rang ong•a, jean pilak skigiparangna re•bae aro skie on•enba an•tangtangni skiani gadangko namdapatna cholkoba on•a. Uasan ong•aigija jeko uamang iano skie ra•angengachim ukon uamang mikkangchi uamangni skie on•agipa bi•sarangnaba skie on•a gita man•skagen aro uan Meghalaya a•dokni namgipa dakmesokaniba ong•gen, ineba Jagdish Chelani aganangaha.
Ia bilsi 31-ni gisepo, iano bak man•pagipa sakanti chong•motan CTE-o mongsonggipa bak donggiparang, skigiparang aro staff-rangko ia indakgipa gamchatbegipa gadangona sokdona dakchakahanina demittele ua aganangkuaha.
Lekka porani mongsonggipa bakde uan bi•sarangni chanchibewalanirangko apalbatatani aro antangni dakna ama amja uko u•ie ma•sie dake nianirangan ong•a, indake skigiparangba iako mikkangchi jarikange bi•sarangna apsankon skie on•anggen ine anga ka•dongsoenga, ineba ua agandapangkuaha.
College of Teachers Education, Rongkhon Tura-o, jemangan dingtang dingtang skiani a•barango chu•sokgipa aro changa sapani ba u•ianian gapgipa ong•na gita skengachim ia indakgipa sakantinan cholrangkoba on•a, mongsongbate B•ed degree-ko ra•na sikgiparangna ua indakgipa skigiparangna a•dokni ning•o ba a•dokni a•palo kamrangkoba man•a dakchakgen aro unbaksana, skia man•gija skul ka•enggipa skigiparangni neng•nikani aro poraia skia man•e kamgri ong•e dongenggipa chadamberangni neng•nikanirangkoba olgrokatani ong•gnok.
Na·simang ia video-koba nina man·gen:
Na·simang iakoba poraina man·gen: Mendipathar College-o World Music Day-ko manianga
India A·songni Salgro Salaram A·dokni gitalgipa koborrangko ma·sina sikode na·simang hubnetwork.in,-oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
Youtube channel- www.youtube.com/@NortheastMediaHub2020
Instagram- https://www.instagram.com/ne_media_hub
